صفق النواصي عندنا/هات القرايع والنعوش=ساعة هدادي صفّرت/والشر يـا مـن قادهـا
نذرب مراويد القنا/ما همّنـا كبـر الكـروش=ان سار والدنيا بلت/هات المـرس وشدادهـا
سوق المراجل سوقنا/ما نشتريها بالقـروش=اليا زهمناها مشت / وان ما مشـت نقتادهـا
هول المواقف شدّنا / قوّه على هدّ العـروش=مثل الذياب اذا عوت/كبـد الفريسـه زادهـا
علم الردي ما هزّنا/مثل الكواسر والوحـوش=هذي مراكبنا رست/في سيف بحـر امجادهـا
يوم المعارك جندنا / تهزم طوابير الجيـوش=لانـت لنـا واستسلمت/بأحزابهـا وافرادهـا
من حاول يقرّب لنا / يلقى كما حذيان بـوش=للمنتظر يوم استوت / الاولى والاخرى عادها
صلب المراجل صلبنا / ولا ربى فينا كـدوش=يا قيفنا لو حمحمت / قمنـا بقلـع اوتادهـا
تصدح عصافيري غنا / على غبا سبع الغبوش=بألحانها لي غرّدت / وتمايلت باجسادها
يا من تدندن صوبنا / يا ابو شخابيط ورتوش= دانت حروفي واقسمت / ما ينطفي عدّادها
باعك يوازي فترنا / والراس بالهوجا يشوش=يا كم حناجر غرغرت / من حدّ سيف ٍ بادها
ذوقي لكم صبر وسنى / وانكر من النصب النفوش=لو سار علم وصمصمت / نارك عليّ اخمادها
من يعترض في دربنا / بشّر جبينه بالخدوش=فرسان خيل ٍ هرولت / تعرف عزوم جيادها
عاداتنا يا ضيفنا / ذبح السمين من الكبـوش=والبندق اللي ما رمت / تلقى الذرى بزنادهـا
ان زارنا من حبّنا / قمنا نرحـب بالطـروش=ترحيبة منّا بنت / للجـود قصـر اجوادهـا
للضيف وافي مدّنا / بالزاد والما والعيـوش=بالجود فاضت وارتوت / تطفي عطش ورّادها
حمل الجمايل حملنا/نشتلّهـا شـلّ العفـوش=لو شافها لاش ٍسكت/تاج ٍبـروس اسيادهـا
حمل الخباثه والدنا/نشدّها فـوق الجحـوش=واذا تعصّت ما مشت/تلشغ بلـدن اعوادهـا
نرقى ونحفظ سرّنا / حفظ اثمد ٍ بين الرموش=عين بلا كحل ٍ بكت / تبكـي جفـا مروادهـا
نفخر بتاريخ ازدنا / من قبل دولة بالرقـوش=اللي قواهم زحزحت / الاتراك فـي ميرادهـا
يهوى الحباري طيرنا / مهمته نتف الريوش=جنحانها لو صافقت / ينقب صخيف فؤآّدهـا
صيد البراري صيدنا/اللي تغـذّى بالرشـوش=ما نقنص إلا اللي ربت/بأرض الحجاز احفادها
سلاّتنا بكفوفنا / مـا تنثلـم يـوم العـدوش=اليا تواست صرّمت / وقـت الهمـام قيادهـا
تلقى مواري حدّنا / بالخدّ من كثر اللطـوش=قيف المغاوير اجبرت / قيف ٍعثر مرصادهـا
عُباد والله ربنا / نمتـاز بالوجـه البشـوش=حمر القوافي درهمت / تـوّي وانـا جلاّدهـا

الشاعر ( الأجدل ) محمد الأسمري