غيمه ......... وبراق

ابحر في بحر الشوق واكتب من الاشواق = وبعطيك ياقلبي من الورد باقه



واكتب حروف الشعر على بيض الاوراق = واجمع شتات الوقت واجمع اوراقه



قلب(ن) طواه الحزن والدمع حرّاق = وعزي لمن هو سكب دمعه وراقه



للحزن في بعض القلوب غيمه وبرّاق= يصقل نفوس(ن) عزيزه وبرّاقه



طال السهر ياليل والهم درّاق= حتى شروق الشمس من ثقب طاقه



ياونة(ن) ونيتها من خاطر(ن) ضاق= ونة كسير في الفلا مكسور ساقه



من وقتنا اللي صحيح ماعاد ينطاق= ماشفت به صاحب ولابه رفاقه



والبعض ضاعت منه عادات واخلاق= للمصلحه يسعى ويوثق علاقه



من كثر ماله عزيز ولو كان بوّاق= حتى الضمير الحي باعه وباقه



ورجل(ن) قليل المال للمرجله عشاّق= اصبح ذليل(ن) بينهم وسط فاقه



ياجاهل(ن) في نومته مابعد فاق= يضحك على نفسه بكثر الطفاقه



بحر المعرفه جاك من الطاق للطاق= والله ماتقدر تقاوي اصطفاقه



يااللي نويت المشي في وسط الانفاق= لا تمشي في دربك ترى فيه عاقه



وياللي تحوش الحوش ودّك بالارزاق= الله كفيل الادمي ومقسم ارزاقه



باوصيك خلّك مع الركب سباّق= واجعل في دنياك زين البطاقه



بعد اللقى لابد من لحظة افراق= ومن حب قلبي حيل يطغى فراقه



يالله ياللي للمخاليق خلاق= ترفق بعبد(ن) زاد فيه اشتياقه

الشاعر عبدالله الأسمري