قصيدة معسف القاف في العميد / عوضه فايز الأسمري

الوفا ساسك والعز أصلك ومرباك = يا واحدٍ غطى على الجدي وسهيل

طيبتك مع فزعتك أعظم سجاياك= وبعد النظر عندك يهد المستحيل

قليل من مثلك يسوي سواياك= في طيبتك بين الخلايق قليل

أصل القياده ماتبي الا مثلك وشرواك= قايد محنك وعندي أكبر دليل

يدل على قصدي أحترامك بين خوياك= ولك هيبةٍ منها النهار يتبدل ليل

والطيب ماهوب طيب أن ماخذيته بيمناك= والكفو مايعرف الا ليا رد الجميل

وانا حاول أرد الجميل اللي عطيته ولا نساك=يالذيب ولد الذيب ولد الحلاحيل

أحمد الله اللي من فضله يابو فارس عطاك = والله يزيدك من فضله ولا هو بخيل

ياللي على شانك عسفت القاف ثم جاك= أسرع من برقٍ لمع وسط المخيل

ياسعد منهو عرفك يابو فارس ثم خاواك = خوة كفو قرم من ذولاك الرجاجيل

اللي أزاحوا عن درب المطاليق الاشواك= تبقى علومك غانمه جيلٍ بعد جيل

والمعذره في ختام القصيده ولا انساك= والله يعين الكفو على رد الجميل

الشاعر سعد الأسمري (معسف القاف)