|
|
هات القلم وقربوا لـي قراطيـس
ناوي انا اكتب شعـر ماتنتسونـه
انظم من افكاري رهيف الاحاسيس
وأصد عن بيت الخنى والمهونـة
اخاف من ربي ولا اطاوع ابليس
ومن طاع ربه مايخّيـب ظنونـه
جيتكم شبل ٍ عن اهل النواميـس
والطيب في ربعي لزوم ٍ نصونـه
انا اسمري وهبي علي يانسانيس
وخلي السحاب يهل صافي مزونه
فينا كرم حاتم وحب ٍ مثـل قيـس
وحكمة علي طالب وقوة مجنونـه
مابيننا جاهـل ولا بـه ملاحيـس
واللي ردي منّـا نـقـطـّع متونـه
منهم نصونا مايعـودوا مناكيـس
والله وعـد منا عهـد مـا نـخـونـه
حنا كذا ياناس مـن دون تدليـس
نبان يوم البعض غـطـى عـيـونـه
وصلاة ربي عد طري الهواجيس
على نبـي كـان جبريـل عونـه
نشر بتاريخ 15-06-2009 |
|
أضف تقييمك التقييم: 4.92/10 (516 صوت) |
[يالبيه يالجنوب] [ 05/08/2010 الساعة 12:58 مساءً]
|
|
|
|
Powered by v2.0.5 Copyright © dciwww.com
Copyright © 2008 www.balasmeer.com - All rights reserved |