الثاقب
19 - 11 - 2009, 07:09 PM
قصيدة أعجبتني وأنقلها لأسجل اعجابي الشديد بالقصيدة وبشاعرها وصح السانك ياالأجدل وأتمنى أن تروق لكم كما راقت لي
زارني حزّة ظلام الليـل ضيـف ودق بابـي=قلت جعله خير داعي خير يا ضيـف العشيّـه
قمت ارحب فكري ان الضيف محمود الجنابي=واثره الهاجوس مندوب السهر ملفـي عليّـه
شايلٍ في كفّه اليسرى علاج لحـرّ مـا بـي=وايده اليمنى بها ساطـور حـدّ الحضرميّـه
قمت اهلي به واقول اقلط هلابك يـا عذابـي=واطلب الرحمـن يكفينـي اذى شـر البليّـه
قال وشبك يا عميلي صايرٍ جـوّك ضبابـي=خابرك لا شفتنـي غنّيـت طـرق السامريّـه
قلت ضيف الدار ما يلتكّ في صفـر الجنابـي=ويتهدد صاحـب المنـزل بفعـل الصيرميّـه
طبعك اتعبني وهدّ الحيـل وجنانـك غدابـي=كلّ تالي ليل يـا هاجـوس تكوينـي بكيّـه
عجز شيخ الدين والدكتور عن سـرّ التهابـي=قايسو نبضات قلبي والتقـو نبضـي شويّـه
والسبب هاجوس دقّ اوتاد قلبي والتهـا بـي=واخذ عقلي بين اصابع كفّـه القاسـي هديّـه
هاجسي غصنه تسلّق عود فكـري والتوابـي=وارتوى من خافق المفتون واصبح مزهريّـه
قال آمر وش تبي هالحين من حضرة جنابـي=ظني انك يا عليل الـروح نـاوي لـي بنيّـه
قلت يا مقلق ضميـري آه لـو تقـرا كتابـي=تلتقي في كلّ بابٍ مـن مواضيعـه قضيّـه
حظي المقرود ياهاجوس في حظنـك رمابـي=سار فكري من عنا صحبتك مجهول الهويّـه
لا بشر يعرف معاناتي ولا شخـصٍ درابـي=بات يضحك من معاناتي زهـر ورد الحويّـه
الهموم اشكال والوانٍ تفنـن فـي صوابـي=كلّ ما ودّعت جيشٍ زارنـي عقبـه سريّـه
قال يا مسكين هذي مشكله واسمـع جوابـي=قم نسجّ بديرة الصمـان فـي نجـد العذيّـه
ما نشوف إلا مغاتير الفـلا وضـح الرقابـي=قدمها الراعي يهوهي عزبته فـوق المطيـه
تنشرح فيها الصدور ونبتعد عن كـلّ نابـي=وش نبي في ديرةٍ شغمومهـا يشنـا خويّـه
قم توكلنا على الله يا سمـي خلّـك شبابـي=واترك الباقـي علـى معبودنـا رب البريّـه
اعطنا الجيب المقفص والمخمّـس والزهابـي=واعطنا طير البـراري والفشـك والزمزميّـه
نركب الرُبع المجهّـز للسهـول وللهضابـي=يشرب الخط المسفلـت والجبـل والجرهديّـه
صممه نجل اليهـودي للمهمـات الصعابـي=وارد اليابان كسمـه لا حشـى مافيـه زيّـه
يفرك البيـداء بقـوّه لا يخـاف ولا يهابـي=يبترم للصيـد كنّـه يابـن عمـي مروحيّـه
لا اروح البنزين واعتدّ النمر قيـره سرابـي=ترتعد منه المواتـر لا عبـر مثـل الشظيّـه
قلت يا هاجوس ما هذا الفصاحـه بالخطابـي=مفرداتـك كلهـا مشمـول سحـر وجاذبيّـه
مرّ بي لاهنـت بأسـواق العليـا والغرابـي=بعدها وقف دقيقه صـوب سـوق الناصريّـه
نشتري حمر الزوالي وآحسبها مـن حسابـي=صرف قنطار الذهب للبـر مايسـوى وقيّـه
افرش الشيراز تحتي والتحف صوف الثيابـي=واعتزي وآشب ضوي دامني بـأرضٍ نقيّـه
احمس البن اليمانـي دام جـو البـر طابـي=واسحق الهيل المذولق وانكسه فـالشاذليـه
خلّها في حضن عيدان القرض واره النصابي=لا يجيها صلـو نيـران اللهايـب والوشيّـه
ثم رشّدها بمسحـوق العويـدي والشهابـي=شربة الفنجال منها يطـرب النفـس الشقيّـه
ما يفيد ابن آدم المخلوق من نصـل الترابـي=غير قربه من إلـه الكـون والنـاس الوفيّـه
لو نجى جساس قبل الموت من سيف الذيابي=كانت الدنيا تـراوح فـي عصـور الجاهليّـه
وبعد ما مجنون ليلى جنّ من هول المصابـي=مات قيس ابن الملوّح عنـد قبـر العامريّـه
في حضوري في سكوني في جنوني في غيابي=ما عرفت آفكّ شفـرات النقـوش السومريّـه
رحلتي هذي مع الهاجس بعد مـا دق بابـي=عقبها لـو زارنـي بالليـل مالـه منكريّـه
الشاعر محمد الأجدل
زارني حزّة ظلام الليـل ضيـف ودق بابـي=قلت جعله خير داعي خير يا ضيـف العشيّـه
قمت ارحب فكري ان الضيف محمود الجنابي=واثره الهاجوس مندوب السهر ملفـي عليّـه
شايلٍ في كفّه اليسرى علاج لحـرّ مـا بـي=وايده اليمنى بها ساطـور حـدّ الحضرميّـه
قمت اهلي به واقول اقلط هلابك يـا عذابـي=واطلب الرحمـن يكفينـي اذى شـر البليّـه
قال وشبك يا عميلي صايرٍ جـوّك ضبابـي=خابرك لا شفتنـي غنّيـت طـرق السامريّـه
قلت ضيف الدار ما يلتكّ في صفـر الجنابـي=ويتهدد صاحـب المنـزل بفعـل الصيرميّـه
طبعك اتعبني وهدّ الحيـل وجنانـك غدابـي=كلّ تالي ليل يـا هاجـوس تكوينـي بكيّـه
عجز شيخ الدين والدكتور عن سـرّ التهابـي=قايسو نبضات قلبي والتقـو نبضـي شويّـه
والسبب هاجوس دقّ اوتاد قلبي والتهـا بـي=واخذ عقلي بين اصابع كفّـه القاسـي هديّـه
هاجسي غصنه تسلّق عود فكـري والتوابـي=وارتوى من خافق المفتون واصبح مزهريّـه
قال آمر وش تبي هالحين من حضرة جنابـي=ظني انك يا عليل الـروح نـاوي لـي بنيّـه
قلت يا مقلق ضميـري آه لـو تقـرا كتابـي=تلتقي في كلّ بابٍ مـن مواضيعـه قضيّـه
حظي المقرود ياهاجوس في حظنـك رمابـي=سار فكري من عنا صحبتك مجهول الهويّـه
لا بشر يعرف معاناتي ولا شخـصٍ درابـي=بات يضحك من معاناتي زهـر ورد الحويّـه
الهموم اشكال والوانٍ تفنـن فـي صوابـي=كلّ ما ودّعت جيشٍ زارنـي عقبـه سريّـه
قال يا مسكين هذي مشكله واسمـع جوابـي=قم نسجّ بديرة الصمـان فـي نجـد العذيّـه
ما نشوف إلا مغاتير الفـلا وضـح الرقابـي=قدمها الراعي يهوهي عزبته فـوق المطيـه
تنشرح فيها الصدور ونبتعد عن كـلّ نابـي=وش نبي في ديرةٍ شغمومهـا يشنـا خويّـه
قم توكلنا على الله يا سمـي خلّـك شبابـي=واترك الباقـي علـى معبودنـا رب البريّـه
اعطنا الجيب المقفص والمخمّـس والزهابـي=واعطنا طير البـراري والفشـك والزمزميّـه
نركب الرُبع المجهّـز للسهـول وللهضابـي=يشرب الخط المسفلـت والجبـل والجرهديّـه
صممه نجل اليهـودي للمهمـات الصعابـي=وارد اليابان كسمـه لا حشـى مافيـه زيّـه
يفرك البيـداء بقـوّه لا يخـاف ولا يهابـي=يبترم للصيـد كنّـه يابـن عمـي مروحيّـه
لا اروح البنزين واعتدّ النمر قيـره سرابـي=ترتعد منه المواتـر لا عبـر مثـل الشظيّـه
قلت يا هاجوس ما هذا الفصاحـه بالخطابـي=مفرداتـك كلهـا مشمـول سحـر وجاذبيّـه
مرّ بي لاهنـت بأسـواق العليـا والغرابـي=بعدها وقف دقيقه صـوب سـوق الناصريّـه
نشتري حمر الزوالي وآحسبها مـن حسابـي=صرف قنطار الذهب للبـر مايسـوى وقيّـه
افرش الشيراز تحتي والتحف صوف الثيابـي=واعتزي وآشب ضوي دامني بـأرضٍ نقيّـه
احمس البن اليمانـي دام جـو البـر طابـي=واسحق الهيل المذولق وانكسه فـالشاذليـه
خلّها في حضن عيدان القرض واره النصابي=لا يجيها صلـو نيـران اللهايـب والوشيّـه
ثم رشّدها بمسحـوق العويـدي والشهابـي=شربة الفنجال منها يطـرب النفـس الشقيّـه
ما يفيد ابن آدم المخلوق من نصـل الترابـي=غير قربه من إلـه الكـون والنـاس الوفيّـه
لو نجى جساس قبل الموت من سيف الذيابي=كانت الدنيا تـراوح فـي عصـور الجاهليّـه
وبعد ما مجنون ليلى جنّ من هول المصابـي=مات قيس ابن الملوّح عنـد قبـر العامريّـه
في حضوري في سكوني في جنوني في غيابي=ما عرفت آفكّ شفـرات النقـوش السومريّـه
رحلتي هذي مع الهاجس بعد مـا دق بابـي=عقبها لـو زارنـي بالليـل مالـه منكريّـه
الشاعر محمد الأجدل