الأجدل
22 - 12 - 2009, 04:27 PM
السلام عليكم ورحمة الله وبركاته
للتواصل ومن جديدنا نهدي لكم هذه المتواضعه وتحيتي لكم جميعا........
يالله اني طالبك يا واحدٍ ما صك بابه=يا عظيمٍ دون عرشك ماخُلق نفسٍ عظيمه
دلني للحق والمعروف لا نخطي صوابه=واهدني للخير والشيطان جنبني جحيمه
كلّ عبدٍ غرّته دنياه لا ينسى عذابه=من تناسا قدرة الخالق حُرِم لذّة نعيمه
اكفنا يالله من شر التزلّف والكآبه=واكفنا شر التهاون بالمعاصي والنميمه
شرّع المعبود دين الحق في مُحكم كتابه=وارسل الهادي محمد(ص)للملأ بر وغنيمه
وقتنا موجه تلاطم واقترب منّا عُبابه=والله القادر على اغراق البشر من نوّ غيمه
الزمان احتط ثوب المستحي واهل الذرابه=والضمير الحي لم يبقى لراعيه أي قيمه
اشتريت الصبر من سوق المحابر والكتابه=واهتويت العيش فوق انقاض عادتنا القديمه
اطلب الله للقلم سلوان في روعة مصابه=بعد ما كان الورق يطلب رضاه اصبح غريمه
الزمن يقرا على العراف والعاقل خطابه=والقلوب القاسيه تبقى مشاربها عقيمه
الجيوش الطاحنه عنوان رايتها صلابه=عمر رايات التفوّق ما تسلّم للهزيمه
الزلال اللي من انهار الغلا يروي شرابه=والنفوس اللي توارد عذب حيضانه كريمه
الفتى الصمصام في روض النقا يفني شبابه=يستمد الصبر والطالات من رحم العزيمه
الوصيّه للولد من والده ستر ومهابه=مثل من يلبس على ثوب الشرف دسمال شيمه
أولاً يجعل فروض الدين مكساه وزهابه=كلّ ما حلّت فريضه يزهم الوالي زهيمه
ثانياً بالوالدين يبرّ ويزور القرابه=ويحسبها عند رب الكون منشي كلّ ديمه
ثالثاً حفظه لحقّ الجار يحفظ له جنابه=زلّة الجيران يدمحها بغفران وحشيمه
رابعاً درب المراجل ما يخيّب من مشابه=يغتني ماشيه لو هو ساكنٍ في ظل خيمه
خامساً من قدّم المعروف لا يرجي ثوابه=يلتقيه بساعةٍ تقفاه بسهومٍ اليمه
سادساً للضيف واجب ضيفته رحب ورحابه=جُد لضيفانك وترحيبك بهم يسوى وليمه
سابعاً كنز الامانه كنز ما تبلى ثيابه=من تخلاّ عن مزاياها جبر كسر الجريمه
ثامناً صدق الكلام يعزّ رجالٍ حكابه=وخصلة الكذاب تبقى بين ضلعانه مقيمه
تاسعاً حبس الشهاده ظلم لا تامن عقابه=عاقبة كتمانها يا من تهاونها وخيمه
عاشراً من يامن الدنيا يضيع بوسط غابه=كم حكيمٍ كبّته دنياه في صدع وخريمه
أمة المختار لازالت على نهج الصحابه=ما نعمم لكن الوقت استرق جوخة حريمه
هبّ ياوقتٍ يسدد في خواصرنا حرابه=قام يرعى في شيمنا مثلما ترعى البهيمه
الولد يرقب لأبوه يطس في حفرة ترابه=والبنات الخيط الاحمر ما يكلفهن صريمه
الاسد والفهد والنمر المرقّط والذيابه=بعد ما كانت وحوش ضاريه باتت كليمه
وابن آوى قام يربع منفزر ويحدّ نابه=كان يقتات الجيف واليوم بالغابه رزيمه
لاغرابه لو زروع الوقت ذبلت لا غرابه=زرع ما يشرب بعدّ العز ما يسوى رميمه
للتواصل ومن جديدنا نهدي لكم هذه المتواضعه وتحيتي لكم جميعا........
يالله اني طالبك يا واحدٍ ما صك بابه=يا عظيمٍ دون عرشك ماخُلق نفسٍ عظيمه
دلني للحق والمعروف لا نخطي صوابه=واهدني للخير والشيطان جنبني جحيمه
كلّ عبدٍ غرّته دنياه لا ينسى عذابه=من تناسا قدرة الخالق حُرِم لذّة نعيمه
اكفنا يالله من شر التزلّف والكآبه=واكفنا شر التهاون بالمعاصي والنميمه
شرّع المعبود دين الحق في مُحكم كتابه=وارسل الهادي محمد(ص)للملأ بر وغنيمه
وقتنا موجه تلاطم واقترب منّا عُبابه=والله القادر على اغراق البشر من نوّ غيمه
الزمان احتط ثوب المستحي واهل الذرابه=والضمير الحي لم يبقى لراعيه أي قيمه
اشتريت الصبر من سوق المحابر والكتابه=واهتويت العيش فوق انقاض عادتنا القديمه
اطلب الله للقلم سلوان في روعة مصابه=بعد ما كان الورق يطلب رضاه اصبح غريمه
الزمن يقرا على العراف والعاقل خطابه=والقلوب القاسيه تبقى مشاربها عقيمه
الجيوش الطاحنه عنوان رايتها صلابه=عمر رايات التفوّق ما تسلّم للهزيمه
الزلال اللي من انهار الغلا يروي شرابه=والنفوس اللي توارد عذب حيضانه كريمه
الفتى الصمصام في روض النقا يفني شبابه=يستمد الصبر والطالات من رحم العزيمه
الوصيّه للولد من والده ستر ومهابه=مثل من يلبس على ثوب الشرف دسمال شيمه
أولاً يجعل فروض الدين مكساه وزهابه=كلّ ما حلّت فريضه يزهم الوالي زهيمه
ثانياً بالوالدين يبرّ ويزور القرابه=ويحسبها عند رب الكون منشي كلّ ديمه
ثالثاً حفظه لحقّ الجار يحفظ له جنابه=زلّة الجيران يدمحها بغفران وحشيمه
رابعاً درب المراجل ما يخيّب من مشابه=يغتني ماشيه لو هو ساكنٍ في ظل خيمه
خامساً من قدّم المعروف لا يرجي ثوابه=يلتقيه بساعةٍ تقفاه بسهومٍ اليمه
سادساً للضيف واجب ضيفته رحب ورحابه=جُد لضيفانك وترحيبك بهم يسوى وليمه
سابعاً كنز الامانه كنز ما تبلى ثيابه=من تخلاّ عن مزاياها جبر كسر الجريمه
ثامناً صدق الكلام يعزّ رجالٍ حكابه=وخصلة الكذاب تبقى بين ضلعانه مقيمه
تاسعاً حبس الشهاده ظلم لا تامن عقابه=عاقبة كتمانها يا من تهاونها وخيمه
عاشراً من يامن الدنيا يضيع بوسط غابه=كم حكيمٍ كبّته دنياه في صدع وخريمه
أمة المختار لازالت على نهج الصحابه=ما نعمم لكن الوقت استرق جوخة حريمه
هبّ ياوقتٍ يسدد في خواصرنا حرابه=قام يرعى في شيمنا مثلما ترعى البهيمه
الولد يرقب لأبوه يطس في حفرة ترابه=والبنات الخيط الاحمر ما يكلفهن صريمه
الاسد والفهد والنمر المرقّط والذيابه=بعد ما كانت وحوش ضاريه باتت كليمه
وابن آوى قام يربع منفزر ويحدّ نابه=كان يقتات الجيف واليوم بالغابه رزيمه
لاغرابه لو زروع الوقت ذبلت لا غرابه=زرع ما يشرب بعدّ العز ما يسوى رميمه