أبو حامد الشرقي
17 - 2 - 2010, 07:09 PM
في حين يتبجح الكثير من الأبواق ويفاخرون بانتماءات قاصرة وجاهلية
يشرفني أن أفتخر بانتمائي
للمملكة العربية السعودية ،،
لأنها بلد التوحيد والسنة .. والطهر والعفة وكفى !!
وكل من خالف المبادئ السامية التي توحدت بموجبها هذه البلاد .. فلن تفتخر به ولو حمل هويتها !!
كما يسعدني أن أضع بين أيديكم قصيدة وطنية أهديها لجنودنا المجاهدين على حدود بلاد التوحيد الطاهرة ..
وأخص منهم صديقي الغالي الملازم / محمد بن علي الزهراني ..
أبمتطي خيل الفخر و آعنّه = وآروّضه لين آصل لمقصودي
وآفاخر جموع البشر والجِـنّه = وآماري بعزّي وعزّ جدودي
أكبر فخر بعد التزام السنة = وإخلاص دين الواحد المعبودِ
فخري ولله لشكر والمنّة = يوم انّي (سعودي) و أبوي (سعودي)
لي ماضيٍ كلٍ تحدّث عنّه = ولي حاضرٍ كالمنهل المورودِ
ولي موطنٍ ما آملّ والله منّه = الشاهد الله والعباد شهودي
والله لو داري مقيض وكنّه = لا كنّه بعيني حيا وعدود
ولو السنين الممحلات أعينّه = وتغثربت موارد القرهودِ
ولو انّ داري .. وش بعد لوّ انّه ؟ = وجودي بداري رهين وجودي
وحكّام داري حربةٍ منسنّة = لأهل الخنا والغدر والمنقودِ
لكنّهم ظلٍ ظليل وجنّه = للغانمين أهل الوفا والجودِ
أبدي لهم ودّي مثل ما آكنّه = وأدين بالطاعة واحفْظ عهودي
وإن جا لرعّاد الشدايد حنّه =وانهلّ مزن مخايل البارودِ
والشرّ بدّا مخلبيه وسنّه = ولبست ضباع الغاب ثوب فهودِ
فاحنا شبوب الحرب نعرف فنّه = نصمل وصملتنا بدون حدودِ
نسلّ سيف المعركة ونسنّه = ونشفي من الفاجر غليل كبودِ
نهجد عدو الله ونخلف ظنّه = ونرقى لعزّ الدار كل سنودِ
وان جا الرخا ندوي النجر وندنّه = ونقدّم الغالي من الموجودِ
ونمدّ فنجالٍ يكيّف بنّه = يهبّ ريحه مع هبوب النودِ
ونداوي اللي طاولته الونّه = ولا نأخر فزعة المضهودِ
هذي مفاخرنا .. وهذا حنّه = بالمختصر ولا المفاخر زودِ
أبو حامد الشرقي
عبدالمجيد بن حامد الأسمري
يشرفني أن أفتخر بانتمائي
للمملكة العربية السعودية ،،
لأنها بلد التوحيد والسنة .. والطهر والعفة وكفى !!
وكل من خالف المبادئ السامية التي توحدت بموجبها هذه البلاد .. فلن تفتخر به ولو حمل هويتها !!
كما يسعدني أن أضع بين أيديكم قصيدة وطنية أهديها لجنودنا المجاهدين على حدود بلاد التوحيد الطاهرة ..
وأخص منهم صديقي الغالي الملازم / محمد بن علي الزهراني ..
أبمتطي خيل الفخر و آعنّه = وآروّضه لين آصل لمقصودي
وآفاخر جموع البشر والجِـنّه = وآماري بعزّي وعزّ جدودي
أكبر فخر بعد التزام السنة = وإخلاص دين الواحد المعبودِ
فخري ولله لشكر والمنّة = يوم انّي (سعودي) و أبوي (سعودي)
لي ماضيٍ كلٍ تحدّث عنّه = ولي حاضرٍ كالمنهل المورودِ
ولي موطنٍ ما آملّ والله منّه = الشاهد الله والعباد شهودي
والله لو داري مقيض وكنّه = لا كنّه بعيني حيا وعدود
ولو السنين الممحلات أعينّه = وتغثربت موارد القرهودِ
ولو انّ داري .. وش بعد لوّ انّه ؟ = وجودي بداري رهين وجودي
وحكّام داري حربةٍ منسنّة = لأهل الخنا والغدر والمنقودِ
لكنّهم ظلٍ ظليل وجنّه = للغانمين أهل الوفا والجودِ
أبدي لهم ودّي مثل ما آكنّه = وأدين بالطاعة واحفْظ عهودي
وإن جا لرعّاد الشدايد حنّه =وانهلّ مزن مخايل البارودِ
والشرّ بدّا مخلبيه وسنّه = ولبست ضباع الغاب ثوب فهودِ
فاحنا شبوب الحرب نعرف فنّه = نصمل وصملتنا بدون حدودِ
نسلّ سيف المعركة ونسنّه = ونشفي من الفاجر غليل كبودِ
نهجد عدو الله ونخلف ظنّه = ونرقى لعزّ الدار كل سنودِ
وان جا الرخا ندوي النجر وندنّه = ونقدّم الغالي من الموجودِ
ونمدّ فنجالٍ يكيّف بنّه = يهبّ ريحه مع هبوب النودِ
ونداوي اللي طاولته الونّه = ولا نأخر فزعة المضهودِ
هذي مفاخرنا .. وهذا حنّه = بالمختصر ولا المفاخر زودِ
أبو حامد الشرقي
عبدالمجيد بن حامد الأسمري