PDA

عرض الاصدار الكامل : فقط ---شاعر المعنى ----فقط !!!

بن دغاف1
30 - 8 - 2008, 04:26 PM
يالا لا لا لا لا لا لا لا لا لا لي لا لا
يالله يامكثر شعار(ن) بلا معنى وقيد
ودنا نبين حقايق باصول ومتون
الجذر يكون في العالي وإلا في تراب
ليه يتباهى على القوم ناس شامتين
قدم المعاريض بصدق الرواة
والله لنطير رؤوس(ن) بدون الشباري
--- ونبكي جدة القوم فقد اولادها----
هدوء العاصفة
30 - 8 - 2008, 07:53 PM
علمونــا كيف نصبر !! كيف نقوى هالـظــروف!!
كيف نبني هالمواقف .., إستجــآبه للحوآس .!
الحقــائق علمونــا ..كلها " سمـــعِ و شـوف " !!
علمونــا وعلمونـــا ..كل شي بالمقآس ..!!

وإن حفظـنا كافــؤونــا !! وإن نسينا بالكفوف ..!!
كل موقف له طريقــه .. والجــزاء هو الأساس ..


فوق هذا .. سلّمـونا ..ولامنعوا " عـشق " يلــوف
ولاعطونا درس قاسي.. !! يمنع القلب النعاس . .
SADOoON
31 - 8 - 2008, 03:38 PM
صـــــــــــــح لسانكــ
وكلكم شعـــــــــــــار
ودي أرد عليكم بـبيت قصيد بس ما أقـــدر
على العموم فرصة سعيدة أني قابلتكــــــــــــم ..
تقبلـــــــــــــــو و و و و مــــــــر و و و ر ي
معسف القاف
1 - 9 - 2008, 01:27 AM
يابن دغاف جهز سجلك يوم بعنا وقيد

فاللذي ما تشله بطون ما تشله متون

والحليب اللي حلبناه يا بالفيت راب

ونت ما جبت رمان اليمن ولا من الشام تين

وبيرك اللي لو ورده ظاميٍ ما رواه

فنحن أطوال الايدي معا طوال الشباري

والدواهي حن يوم الردي أدهى أو لا دها

هذا ردي يأبن دغاف وعلى خاطرك فالموضوع مزح في مزح ...
عقيد القوم
3 - 9 - 2008, 12:51 AM
كفـــــــــــــــــــو
يامعسف وانت قدهاااااوقدود
بن دغاف1
4 - 9 - 2008, 04:12 PM
----------- نعتذر للتأخير وهذا شرف لي احاور معسف القاف ولا يهون جميع الشعراء ------
والله مايحميك ياصاحبي درع حديد

لاتخبا يامعسف القاف جوى الحصون

استلم مني البدايع وقم رد الجواب

جارني في المعنى يامعسف حتى يبين

وش هو فرق التهامي على عالي السراه

وانا بن دغاف وانشد عني اهل الظهاري

ِ يعلمونك من هو رجل المواقف وسيدها

-------ماعليكم زود-----------------
معسف القاف
4 - 9 - 2008, 10:52 PM
أشكرك أخي المميز أبن دغاف وباين عليك من العيار الثقيل أعانني الله وأياك وبالتوفيق

يابن دغاف مايحمي الحدود الا الحديد

وربعي ابني سوا عند اللقا ماينحصون

مانتخفى ورى الصوبه ولا خلف الجواب

وانت طيب وانا بعد من رجالٍ طيبين

مانلحق الساري مذمه إذا ليله سراه

لالا لتفرق ولا لحب الفشخره والظهاري

و الريوس عندنامفصول مانعرف الا سيدها

__ __ __ __ __ __ __ __
الجواب جمع جوبه وهي الكومة من التمر للأيضاح ودمتم ..
ريم الأحمري
5 - 9 - 2008, 01:30 AM
يعطيك العافيه خيوووووو
"مـخــاوي الـحــزن"
5 - 9 - 2008, 02:16 AM
يعطيكم العافيه جميعاً ..
بن دغاف1
5 - 9 - 2008, 03:04 PM
اشكر جميع المشاهدين والمشاركين على طيب المداخلات
وانت يامعسف القاف تو الليل بدري والمسافه طويله00000000

مشرفٍ يامعسف القاف وشاعر عنيد

ودنا نسولف معك يوم كلن ساكتون

ونعم بك ولابتك يازميلي نسل الذياب

وش ينفع العمى ياصحيبي كبار عين

والرجل بطيبه وجوده ربي غناه

والشعر ماهو بسلعه كلن بايع وشاري

لعن ابو مليون كل البشر تريدها
فـــارس
5 - 9 - 2008, 09:43 PM
يالله أنك تقويهم
بيض الله وجيهكم يا شعارنا
من زمان عن هالمحاورات
<<<متابع أول بأول :)
معسف القاف
7 - 9 - 2008, 07:27 AM
المعذره للجميع على التاخير وأشكر كلمن شاهد وشارك
وقدام قدام يأبن دغاف ..

يازميلي ويش فرق أيدٍ عنيد

أنت لي شليت شوزن ولا ساكتون

كلها ترمي النصع وترمي الذياب

و عند التحدي ياخوي فنا وياك بارعين

والمغني ما ينفعه دق عوده ولا غناه

وما انا فلابشاور يوم كلٍ تعزوى وشاري

لان مايلحق العوجا مشاريهٍ اذا حل بتريدها