لغز جميل وحله حكمه -1-

[أحمريه ملقوفه]

الرجل الي مافيه من الحمار ثلاث مهو رجال.



فماهي الثلاث وصدقوني الفائده كبيره

[الصمان]

الأخت / أحمرية بدون ملقوفة
صحيح أي رجل ما يكون فيه هذه الحروف ما يكون رجال في الأسم وليس في الرجولة أظن عرفتي الحل
ما أبغى أوضح أكثر من كذا لكي يشارك كل الأعضاء
تحياتي لك

[AbU FiRaS]

ههههههه

يالصمان منت بهين

جيت قبلك وطلعت ما حبيت ارد وتراني عارف الحل بس قلت اعطي فرصه > لا يكثر

[أحمريه ملقوفه]

الصمان أنت يروحي رحت بعيد جداً هذا حل اللغز
1-يمز شربه
2-يحمل كربه
3-يعرف دربه

[الصمان]

الأخت /أحمرية
الحمار
يمز شربة 0 بمصاص والا بدون مصاص
يعرف دربه ما يعرفه الا اذا كان واحد وراه ينغزة ؟؟؟؟
يحمل كربه خلقه الله لهذا
تحياتي لك

[المسافر1]

هههههههههههههههههههههه

يعني مووووو مصدق طيب وشووو الحل

[الصمان]

توك تصحى
لك ساعة تتمرح حواليه ما قدرت تدخل وذالحين دبت فيك الحياة
بدأت تنطق
لك التحية

[المسافر1]

من تقصد يا الصماااااان وضح

[الصمان]

الكلام وأضح
ولأيبغاله توضيح

[جنوبي 07]

واللة ما عرف اللغز

[ابـــــ(حمود)ــــــن]

مدري بس مشكورة ؟!؟!؟!؟!؟!؟؟؟؟؟؟......

[أبو رويّــه]

الله يمسيكم بالخير و السعادة

أسمحوا للشايب يشارك باللي عنده و يعطيكم الحل في سالفة
و السالفة و ما فيها يقولون أنه في الزمن الماضي توفى شيخ أحدى القبايل و عقب ولد شباب
ماهو كبير و حبوا رجال القبيلة يختبرونه و يتأكدون من قدرته على أستلام الشيخة بعد أبوه ,
و جابوا أحد العوارف أو العراف علشان يختبره و سأله العارفه و قال:
يا ولدي أنت رجال طيب لكن فيك ثلاث خصال من الحمار (( الله يكرمكم ))
رد عليه الولد و قال له صدقت .
فقال العراف و فيك ثلاث خصال من الكلب
فرد عليه الولد و قال صدقت ..!
و قال العراف و فيك ثلاث خصال من البس (( القط )) .
ورد الولد و قال صدقت ..!

عندها طلب العراف من الولد يفسر له هذه الخصال فقال الولد:
الثلاث خصال اللي من الحمار هي :
شايل كربه , سامل شربه , قاص دربه

و الثلاث اللي من الكلب هي :
حافظ داره , حامي جاره , عارف مقداره

و الثلاث اللي من البس (( القطو ))هي :
ذابح عداه , دافن أذاه , و نص الجزو يقراه .(( يقصد جزء القرآن )) .

و بعد ما جاوب عرفوا مقدار عقليته و حنكته و رشحوه للشيخة ..!

هذي السالفة و مافيها و لا تزعلون على الأحمرية .
.
.
.
تقبلوا مني أطيب تحيــــة
.
.
.

[عبدالله الأسمري]

الله يلعن ذا الحمار اللي اهبكم في مصا يحه

[مضيعـ قبرهـ]

يا احمريه لا تشبهين الرجال بالحمار هذا حيوان وحن انس وربي كرمنا على هالشي بلا يمز شربه بلا يحمل كربه عنده اربع قوائم يمشي عليها وعندنا رجلين يعني والله فرق مثل مابين السماء والارض حلوه ذي اللي مايشبه الحمار مو رجال امحق من رجال والله لو يشبه الحمار.