الأجدل
27 - 12 - 2008, 02:47 PM
الســــلام عليكم
إليكم هذه المتواضعه من آخر كتاباتي آمل ان تحوز على رضاكم وتحية غلا لمن مر من هنا000
عين الغزال وعين خلّي تشابه =نظراتها من صابته راح صيد امس
شعر الهدب ورموشها شبه غابه=فيها حور سلهامها يفتح النفس
شربي معاناته وزادي عذابه=فرقاه تتعبني وفي صحبته أُنس
ريح الموده والغلا في ثيابه=مغروس عطر الطيب في قامته غرس
ذوقه يبيّن رقته في خطابه=والصوت ناعم كنّ في لكنته همس
الله عطاه من الحلا واعتنا به=لا نقص في وافي جماله ولا بخس
غار الجمال وراح يعلن عتابه=والحسن يصفق راحة الخمس بالخمس
ان غاب غاب الكلّ لحظة غيابه=وليا حضر في خاطري غابت الشمس
رسمه وهندامه وطرحة نقابه= كنّ الوفا محبوس في شيمته حبس
حارت مشاعر مهجتي عند بابه=والحب تحمس جمرته خافقي حمس
للثقل بصمه في محيّا جنابه=يطمس جماله كلّ من نافسه طمس
بنت لها بالعز صيت ومهابه=لا شكّ في بيتٍ ربت به ولا لَبس
جمالها حرّك بقلبي صبابه=تدعس برقّتها على خافقي دعس
هني من يقضي بقيّة شبابه=في قربها تمضي سنينه ولا حس
قلبي سرح في حبها والتها به =هي ريحة انفاسي وهي مهجتي بس
جمر الغضى بالقلب زاد التهابه=من سبّته زاد الجوى بي وعسعس
شوقه غرز في خافقي سم نابه=من يوم شفته لا قراده ولا نحس
قلت اسمعي يابنت حولك رقابه=قالت انا في سجن واسع وفي حبس
قلت الذي حبك وضيّع صوابه =قالت غرام البعد خيرٍ من اللمس
قلت الذي ينخاك يلقى ثوابه =قالت تحصل تمر لكن بلا دبس
قلت الشقى والضيم راسي نوابه=قالت ابد محشوم مثلك ينومس
قلت ارحمي والشيب راسي غدابه=قالت معي خلك ذكي وافهم الدرس
قلت ابشري يا عزّ نجد وهضابه=قالت هلابك عدّ مالريح نسنس
يارب في ساعة صفا واستجابه=ادعيك تحفظلي غناتي وتحرس
إليكم هذه المتواضعه من آخر كتاباتي آمل ان تحوز على رضاكم وتحية غلا لمن مر من هنا000
عين الغزال وعين خلّي تشابه =نظراتها من صابته راح صيد امس
شعر الهدب ورموشها شبه غابه=فيها حور سلهامها يفتح النفس
شربي معاناته وزادي عذابه=فرقاه تتعبني وفي صحبته أُنس
ريح الموده والغلا في ثيابه=مغروس عطر الطيب في قامته غرس
ذوقه يبيّن رقته في خطابه=والصوت ناعم كنّ في لكنته همس
الله عطاه من الحلا واعتنا به=لا نقص في وافي جماله ولا بخس
غار الجمال وراح يعلن عتابه=والحسن يصفق راحة الخمس بالخمس
ان غاب غاب الكلّ لحظة غيابه=وليا حضر في خاطري غابت الشمس
رسمه وهندامه وطرحة نقابه= كنّ الوفا محبوس في شيمته حبس
حارت مشاعر مهجتي عند بابه=والحب تحمس جمرته خافقي حمس
للثقل بصمه في محيّا جنابه=يطمس جماله كلّ من نافسه طمس
بنت لها بالعز صيت ومهابه=لا شكّ في بيتٍ ربت به ولا لَبس
جمالها حرّك بقلبي صبابه=تدعس برقّتها على خافقي دعس
هني من يقضي بقيّة شبابه=في قربها تمضي سنينه ولا حس
قلبي سرح في حبها والتها به =هي ريحة انفاسي وهي مهجتي بس
جمر الغضى بالقلب زاد التهابه=من سبّته زاد الجوى بي وعسعس
شوقه غرز في خافقي سم نابه=من يوم شفته لا قراده ولا نحس
قلت اسمعي يابنت حولك رقابه=قالت انا في سجن واسع وفي حبس
قلت الذي حبك وضيّع صوابه =قالت غرام البعد خيرٍ من اللمس
قلت الذي ينخاك يلقى ثوابه =قالت تحصل تمر لكن بلا دبس
قلت الشقى والضيم راسي نوابه=قالت ابد محشوم مثلك ينومس
قلت ارحمي والشيب راسي غدابه=قالت معي خلك ذكي وافهم الدرس
قلت ابشري يا عزّ نجد وهضابه=قالت هلابك عدّ مالريح نسنس
يارب في ساعة صفا واستجابه=ادعيك تحفظلي غناتي وتحرس