الأجدل
8 - 1 - 2009, 11:45 PM
الســـــــلام عليكم
اعزائي اليكم قصيده بعنوان رمح القوافي آمل ان تروق لكم وتنال اعجابكم وان تتقبلوها كما هي وهي قصيدة موقف حصل في احدى المنازلات الشعريه وتحيتي لكم جميعا........
اجمع الحرف واقسم واستفيد المفيده=واضرب القاف بيدي واطرح البانيـه
لاتهيّضت اقـول الوافيـه والعنيـده=واعتسفها بفكري في طَـرَف ثانيـه
اعطي الحق طلابه واكـرر واعيـده=واعرف الواجب اليا زعت بألحانيـه
اودع الخير للنشمي ويكبـر رصيـده=واعرف انـه كبيـر ونيّتـه صافيـه
اشرب الما من الجمّه قـراح ٍ بريـده=واسقي اهل الكبود الصفر بالسانيـه
من يصافح نصافح والردى ما نريده=والذي مـدّ زقمـه يشـرب الثانيـه
ذا مقامي وقدري من سنين ٍ عديـده=والكرم عنـد بابـي وجبتـه هانيـه
اكرم الضيف واذبح له سمين الطريده=وانتقي له مـن القعـدان والضانيـه
دلتي زاهبه لأهل الفعـول المجيـده=من نحور الـدلال الصفـر رسلانيـه
اسكب المسك والجاوي ونشري جديده=وانثره في لحا الضيفـان واعوانيـه
مهنتي وزن قافي ثم طرق الحديـده=لين تبرك بيـوت الشعـر لأوزانيـه
يضحك القهر في وجهي ويخفي مكيده=واكثر الناس تغلينـي وهـي شانيـه
ينثر الخصم رمحي ويتناقز صديـده=يجرع الموت قلبـه والدمـي قانيـه
ان هجاني معي شلفا بتقطـع وريـده=ما يداويـه طـبّ الهنـد والمانيـه
اضربه بأم ركبه والقبـس والوقيـده=مـن يسابـق بخيلـه مـا تعدانيـه
رمح قافي يصيب الشاردات البعيـده=ويتجـرع هدفهـا سـم حنشانـيـه
نلتـزم بالعهـود ونلتـزم بالعقيـده=والمذاهـب زواياهـا مـع اركانيـه
يشهد الله علينـا والنوايـا حميـده=من قديـم الزمـن والجـد وصّانيـه
نمرينضم بيوته كـل يـوم ٍ قصيـده=كان حبه لوضحـى حـب وجدانيـه
ما كتبنا فـي التلفـاز ولا الجريـده=مير حب الغوالـي مـال باغصانيـه
واختم ابذكر ربي للعقـول الرشيـده=والف صلو على المختـار يا اخوانيـه
وسلامتكم
بقلم
الأجدل
اعزائي اليكم قصيده بعنوان رمح القوافي آمل ان تروق لكم وتنال اعجابكم وان تتقبلوها كما هي وهي قصيدة موقف حصل في احدى المنازلات الشعريه وتحيتي لكم جميعا........
اجمع الحرف واقسم واستفيد المفيده=واضرب القاف بيدي واطرح البانيـه
لاتهيّضت اقـول الوافيـه والعنيـده=واعتسفها بفكري في طَـرَف ثانيـه
اعطي الحق طلابه واكـرر واعيـده=واعرف الواجب اليا زعت بألحانيـه
اودع الخير للنشمي ويكبـر رصيـده=واعرف انـه كبيـر ونيّتـه صافيـه
اشرب الما من الجمّه قـراح ٍ بريـده=واسقي اهل الكبود الصفر بالسانيـه
من يصافح نصافح والردى ما نريده=والذي مـدّ زقمـه يشـرب الثانيـه
ذا مقامي وقدري من سنين ٍ عديـده=والكرم عنـد بابـي وجبتـه هانيـه
اكرم الضيف واذبح له سمين الطريده=وانتقي له مـن القعـدان والضانيـه
دلتي زاهبه لأهل الفعـول المجيـده=من نحور الـدلال الصفـر رسلانيـه
اسكب المسك والجاوي ونشري جديده=وانثره في لحا الضيفـان واعوانيـه
مهنتي وزن قافي ثم طرق الحديـده=لين تبرك بيـوت الشعـر لأوزانيـه
يضحك القهر في وجهي ويخفي مكيده=واكثر الناس تغلينـي وهـي شانيـه
ينثر الخصم رمحي ويتناقز صديـده=يجرع الموت قلبـه والدمـي قانيـه
ان هجاني معي شلفا بتقطـع وريـده=ما يداويـه طـبّ الهنـد والمانيـه
اضربه بأم ركبه والقبـس والوقيـده=مـن يسابـق بخيلـه مـا تعدانيـه
رمح قافي يصيب الشاردات البعيـده=ويتجـرع هدفهـا سـم حنشانـيـه
نلتـزم بالعهـود ونلتـزم بالعقيـده=والمذاهـب زواياهـا مـع اركانيـه
يشهد الله علينـا والنوايـا حميـده=من قديـم الزمـن والجـد وصّانيـه
نمرينضم بيوته كـل يـوم ٍ قصيـده=كان حبه لوضحـى حـب وجدانيـه
ما كتبنا فـي التلفـاز ولا الجريـده=مير حب الغوالـي مـال باغصانيـه
واختم ابذكر ربي للعقـول الرشيـده=والف صلو على المختـار يا اخوانيـه
وسلامتكم
بقلم
الأجدل