مساجلة شعرية .. أكمل بيتين على الشطر الأخير

[أبو حامد الشرقي]

من أجمل الأشياء لمنتدى الشعر وجود موضوع مثبت للمحاورة ..

وقد رأيت طريقة جميلة للمساجلة في بعض المنتديات ..

وتكون بأن يبدأ أحد الشعراء بطرح بيتين .. ويأتي شاعر آخر ويأخذ الشطر الأخير

وينظم عليه بيتين آخرين وهكذا ..

مع مراعاة أن يكون البيتين المبنيّه المساجلة عليهما على بحر سهل يستطيع الجميع المشاركة عليه

وهذا مثال للمساجلة على بحر المسحوب ..

[الشاعر الأول]
صارت مواثيقه مجرد عبارات
وراح وتركني بين جرحهـ وذكراه

ياما حلف لي وجدد الحلف مرات
أنه معي باقي لو العمر يجفاااااه


[الشاعر الثاني]
أنه معي باقي لو العمر يجفاااااه ..
هذاك ميثاقٍ تلاشت بنوده
:
الحين أنا آداري من طعون شلفاه ..
وأرجي من الله ما يوفّي وعوده


[الشاعر الثالث]
أرجي من الله مايوفي وعوده
ووقتا جمعني به عسى الصبر يطويه
:
وجرحا نما فيني وجرح حدوده
ماله سوى كي الجفا كود يشفيه


أتمنى أن تطبّق هذه المحاوره ..

ولا مانع من وضع موضوع آخر للمحاوره المعتاده على القافية فقط

تقبّلوا شكري وإعجابي ..


..

[عبدالله الأسمري]

التمساح
ماله سوى كي الجفى كود يشفيه
ضيق به الخاطر وبيح سدوده
ماعاد به رجال في القلب يغليه
ولاعاد به حي يشيد بردوده

[أبو حامد الشرقي]

التمساح
ماله سوى كي الجفى كود يشفيه
ضيق به الخاطر وبيح سدوده
ماعاد به رجال في القلب يغليه
ولاعاد به حي يشيد بردوده


:
ولا عاد به حي يشيد بردوده
والحزن غطّى عارضه والمحيّا
والغبن والأتراح دايم تعوده
كلش يهون ولا تهون الجفيّا
:

[عبدالله الأسمري]

كلش يهون ولاتهون الجفيا

والبعد مايقدر ابن ادم يطيقه

نبي المحبه سقف تحتها انتفيا

ونبحر في بحر الشوق ونترك مضيقه

[أبو حامد الشرقي]

كلش يهون ولاتهون الجفيا

والبعد مايقدر ابن ادم يطيقه

نبي المحبه سقف تحتها انتفيا

ونبحر في بحر الشوق ونترك مضيقه


شاعرنا ( التمساح ) ..
تقبل إعجابي بشاعريتك البارزهـ
ومشكور على تواصلك ..
بانتظارك .. وبانتظار شعراء المنتدى الجزلين

لا أنسى التقدم بجزيل الشكر لإدارتنا ..
على تلبية طلبي بإفراد هذه المساجلة في موضوع مستقل .

:
نبحر فـ بحر الشوق ونترك مـضيقـه
ونْسجّ معْ الاشعار بأقصى المحيطات
فـي منـتدى(ن) لـي به علاقـة وثيقة
بــأهــل المراجل و الـوفـا والــمـروّات
:

[عبدالله الأسمري]

لاهنت اخوي ابو حامد الشرقي وبيض الله وجهك على كل حال


باهل المراجل والوفا والمروات

تلقى الاخوه وعزنفس يصاني

والسعي بين الصفا وبين مروات

يافارس مجده بظهر الحصاني

[أبو حامد الشرقي]

لاهنت اخوي ابو حامد الشرقي وبيض الله وجهك على كل حال


باهل المراجل والوفا والمروات

تلقى الاخوه وعزنفس يصاني

والسعي بين الصفا وبين مروات

يافارس مجده بظهر الحصاني



هلا وغلا يا أبيض الوجه ..
حقيقة.. مافيك حيله

:
يـا فارس مـجـده بـظهر الـحصاني
احـذر تـرى الـخـيـّـال كـبوتْه شينه
حـثّ الـركـاب ولا تـطـيـع الـتـواني
والله يـعـز الـلـي يـبـي عـزّ ديـنـه
:

[ابو حريش]

هلا وغلا يا أبيض الوجه ..
حقيقة.. مافيك حيله

:
يـا فارس مـجـده بـظهر الـحصاني
احـذر تـرى الـخـيـّـال كـبوتْه شينه
حـثّ الـركـاب ولا تـطـيـع الـتـواني
والله يـعـز الـلـي يـبـي عـزّ ديـنـه
:




والله يعز اللي يبي يعز دينه
وغير دين الاسلام ماهو بمقبول
خمسة فروض وصيام وزكاة سمينة
والحج واحد في العمر غير مدبول

[أبو حامد الشرقي]

والله يعز اللي يبي يعز دينه
وغير دين الاسلام ماهو بمقبول
خمسة فروض وصيام وزكاة سمينة
والحج واحد في العمر غير مدبول


مرحبا ومسهلا .. بابو حريش
صح الله لسانك يالذيب .. واحرص ع الوزن وأنا أخوك

:
الحج واحد في العمر غيـر مـدبـول
والدين يسر(ن) والشريعة يسيرة
الله يـجـمـلـنـا بـالافـعـال والـقـول
والله يـديـم الـعـافـيـة والسـتيـرة
:

[الشرقاوي]

أشكرك بو حامد ع موضوعك وأشكر كل المشاركين في المحاوره

وتفظلوا هالبيتين

الله يديم العافيه والستيره
في ضل حكام وشيوخ ميامين
قوم لهم في صفحة المجد سيرة
في دار أبو متعب زعيم السلاطين

[عبدالله الأسمري]

بيض الله وجيهكم جميعا والمعذره على التاخير (كل بظرفه)

في دار ابو متعب زعيم السلاطين

تلقى الوفا والا اسودلها انياب

ابقى على العهدلين اندفن بالطين

والا شهيدالدين على كل الاطناب

[عزوز الخبر]

الله الله الله

روووعــة صحت يمين صاحب الفكرة

والمشاركين < أنشهد انكم شـعّـار

وفالكم التوفيق ..

تـابـعـوا فالجـمـهور شـغـوف وبإنتظاركـم :)

[أبو حامد الشرقي]

أشكرك بو حامد ع موضوعك وأشكر كل المشاركين في المحاوره [/color]
[/color]


:
حياك الله في محلك يا الشرقاوي
ولا هنت على المشاركة .. وبانتظارك هنا
:

[أبو حامد الشرقي]

بيض الله وجيهكم جميعا والمعذره على التاخير (كل بظرفه)


:
الله يحييك يا شاعرنا .. والغايب عذره معه
ألف شكر على تواصلك ، ودماثة خلقك
وفي ظني أن البيت الثاني فيه زيادة على الوزن في الصدر والعجز
وياليت تفيدني بكيفية وزنك للبيت (اللحن أو التفعيله) ،
فربما أنني مخطئ ونحن مكملون لبعض .
:

[أبو حامد الشرقي]

الله الله الله

روووعــة صحت يمين صاحب الفكرة

والمشاركين < أنشهد انكم شـعّـار

وفالكم التوفيق ..

تـابـعـوا فالجـمـهور شـغـوف وبإنتظاركـم :)


:
الروووعة ، هو مرورك وذائقتك الراقية
البعض يفني في القصايد حروفه .. والبعض هو في حد ذاته قصيدة
سلمت يا بعد طوايفي
:

[سعيد الأسمري]

شـكــ وبارك الله فيكم ـــرا لكم ... لكم مني أجمل تحية .

[عبدالله الأسمري]

ابوحامد شكرا لك على النقد البناء

بالنسبه للوزن اخوى ابو حامد فنحن ناخذ اخر بيت ونبنى عليه

بقافيه جديده تختلف اوتجارى الابيات الاولى وقد يكون هناك

اختلاف بسيط في نطق بعض الكلمات والكتابه تختلف قليلا

عن اللحن المفند بنغمة المد او قصر بعض الحروف

ولاكن نحاول نسدد ونقارب

اكررشكرى لك يابوحامد وبيض الله وجهك

[أبو حامد الشرقي]

شـكــ وبارك الله فيكم ـــرا لكم ... لكم مني أجمل تحية .


:
تمنيت أن مرورك الميمون أغدق وابلا من الجزالة على هذه المساجلة
فنحن تلاميذ متطفلون على مائدة عمالقة شعراء شبكة قبائل بللسمر الرسمية
والذين على رأسهم .. شاعر بللسمر سعيد الأسمري
لعلك تحقق رغبتي ، في الزيارة القادمة
تقبل جزيل شكري على تثبيت الموضوع
شـكــ وبارك الله فيك ـــرا لك ... لك مني أجمل تحية
:

[أبو حامد الشرقي]

ابوحامد شكرا لك على النقد البناء

بالنسبه للوزن اخوى ابو حامد فنحن ناخذ اخر بيت ونبنى عليه

بقافيه جديده تختلف اوتجارى الابيات الاولى وقد يكون هناك

اختلاف بسيط في نطق بعض الكلمات والكتابه تختلف قليلا

عن اللحن المفند بنغمة المد او قصر بعض الحروف

ولاكن نحاول نسدد ونقارب

اكررشكرى لك يابوحامد وبيض الله وجهك


:
لا شكر على واجب أخي الحبيب ..
ولتعذرني فلست منتقداً ، ولم أبلغ مرحلة النقد
ولكني استشكلت فاستفسرت ، وشفاء العي السؤال
سلمت على رحابة صدرك اللامحدودة .. فهذه قمة الشاعرية
:

[أبو حامد الشرقي]

في دار ابو متعب زعيم السلاطين

تلقى الوفا والا اسودلها انياب

ابقى على العهدلين اندفن بالطين

والا شهيدالدين على كل الاطناب


شاعرنا المقدامـ ..
من باب سددوا وقاربوا ؛ سأكمل على الشطر الأخير من البيت الأول
ولا يجي في خاطرك .. أنا فداك

:
تلقى الوفا ولا أسود لها أنياب
وفاً مع الوافي ونابٍ لغدّار
ما ننزل الأعدا بمنزال الأصحاب
كلٍ وله منزل وكلٍ وله دار
:

[YAKY]

شاعرنا المقدامـ ..
من باب سددوا وقاربوا ؛ سأكمل على الشطر الأخير من البيت الأول
ولا يجي في خاطرك .. أنا فداك

:
تلقى الوفا ولا أسود لها أنياب
وفاً مع الوافي ونابٍ لغدّار
ما ننزل الأعدا بمنزال الأصحاب
كلٍ وله منزل وكلٍ وله دار
:

.

.

ما شاء الله ..

وهذي مشاركة بسيطة من عندي .. واعذروني اذا كانت فاشلة :-< ..

كــلٍ ولـه مـنـزل وكـلٍ وله دار ،،
وكلٍ و له قيمـة مع حـب وتقديـر ..
ونبقى حماة الدين بعزمٍ واصرار ،،
ويبقى الوفاء للوطن سرٍ وسط بير ..


تحيتي لكم..

[سعيد الأسمري]

.

.

ما شاء الله ..

وهذي مشاركة بسيطة من عندي .. واعذروني اذا كانت فاشلة :-< ..

كــلٍ ولـه مـنـزل وكـلٍ وله دار ،،
وكلٍ و له قيمـة مع حـب وتقديـر ..
ونبقى حماة الدين بعزمٍ واصرار ،،
ويبقى الوفاء للوطن سرٍ وسط بير ..


تحيتي لكم..


صح لسانك ابيات رائعه وجميله

تحيااتي

[AbU FiRaS]

علـ القوة جميع ابدعتهم


واصلوا باداعاتكم


دمتم بخير

[أسمري عالمي]

كــلٍ ولـه مـنـزل وكـلٍ وله دار ،،
وكلٍ و له قيمـة مع حـب وتقديـر ..
ونبقى حماة الدين بعزمٍ واصرار ،،
ويبقى الوفاء للوطن سرٍ وسط بير ..






يبقى الوفى للوطن سرٍِ وسط بير=ومن ما وفى لاجله حياته خساره
حنا جنودٍ له ولا نثني السير=ونعقب اللي صد واخلف مساره

[ابو سمره]

يعطيكم العافيه و عساكم عالقوة

تقبلوا هالمشاركة البسيطة
واتمنى تواصلون ابداعاتكم في هالمنتدى الغالي
..
ونعقب اللي صد واخلف مساره
ونواصل الهجمة على كل ميدان
حتى يعود المعتدي عن قراره
ونطهر البلدان و نزيل الاوثان
..

[أبو حامد الشرقي]

:
نطهر البلدان ونزيل الأوثان
ونطورق المسحوب ونشعل فتيله
ونحاور أجواد وبني عم وأخوان
والنقض بعد الفتل أحسن وسيلة
:

ألـ1000ـف شكر لكل من شارك ولو بالمرور
وبانتظار أساتذة المحاورة .. دون استثناء
تحياتي للجميع .

[ثمرانB07]

.

والنقض بعد الفتل أحسن وسيلة
هذي حلاة الشعر وأجمل طواريه
أتعب على المعنى ولا أخلي سبيله
متمسك ٍ بـ أطيب حروفه ومعانيه

.
.

,

[آنييّن ..!!]

متابعه لكم من بعيد وبصمت .
مشاء الله تبارك الله .

أبو حامد
لا أملك سوى الدعاء بأن يديمك الله لنا ويديم قلمك الساحر بوح لنا
موضوع رائع بروعة تواجد ...

لك مني باقة ورد معطرهـ باأريج اللافندر



ج ـنان مرت من هٌنا ...}

[ابوراكان بن بخيت]

ا لسلام عليكم



متمسك باطيب حروفه ومعانيه = والشعر مني وفيني وانا ابيه
يزعل من يزعل وراع الرضى نرضيه = ومن يرفع خشمه ناطا علابيه

[ابوراكان بن بخيت]

تلبية لاخي العزيز ابوحامد اتينا ملبين لدعوته قدر له
ويالربع ترو الشعر مايزين الا بملاطمة لاحد يزعل تكفون يارجال خلوها ملاعبة جمال هههههههه

[ابو الوليد]

:
:

ومن يرفع خشمه ناطا علابيه
ولانداني شوف زوله ولا ابيه
اما الكفو لو زعل واجب نراضيه
ونقدّره تقدير جده مع ابيه
:
:

[ابوراكان بن بخيت]

هــلا يابـو الولــــيد حيــه وحـــي طاريه
قدرك على عيني وقــدرك على الراس
ياالشاعــــــر اللي ما احـــدن يجاريــه
هلا بالشاعر المبدع الملهم الحساس

[ابو الوليد]

يامرحبا باللي كل تنومس لطــــاريه
عزيز من ربعن(ن) عزاز من الناس
هذا هو ابن بخيت ويــــــــدوم غاليه
صقر ولد صقـــــــرو راس ولد راس

[الأجدل]

اخي ابو حامد
اشكر لك هذا التميز وعذرا على التاخير
بالمداخله والشكر موصول للجميع

صقر ولد صقـــــــر و راس ولد راس
يسوى ولد حامد جموع ٍ ولابه
ما خاب من خلّف في الوكر قرناس
زيزوم يعرف في نهار الصلابه

والله ما ادري جبتها على نفس الطريقه ولا لا
اعذروني ولكم جل تقديري

[أبو حامد الشرقي]

لا هنتوا يا عزوتي ..
أشهد انكم وافين .. بلا اسثناء : شعار و مشاركين و متابعين بصمت ..
والله يجملنا لنقدم ما يليق بذائقتكم الشعرية الراقية ..

:
زيزوم يعرف في نهار الصلابه
ولا يهوله نوض برق الهوايل
الحر الأجدل لا بغى الصعب جابه
شوق العذارى ناثرات الجدايل
:

[ابو الوليد]

:
شوق العذارى ناثرات الجدايل
هن افقدن قلبي وعقلي صوابه
خص ليا شفت الجدايل تمايل
يخفق خفوق اللي برع في الخطابة

:

[أبو حامد الشرقي]

صح لسانك يا أبا الوليد .. وجودك يعطي الموضوع نسبة فوق ..
:
يخفق خفوق اللي برع في الخطابة
ويفلت نصاب السيف من كان سيّاف
لاجل الهنوف اللي زهى في خضابه
غروٍ تزاحم في محاسنه الأوصاف
:
يا ليت تكون القافية الثانية مغايرة للسابقة
حتى تطول المساجلة .. ويتحقق الهدف المرجو منها

[أبو حامد الشرقي]

..خطأ..
أرجوا الحذف

[سعيدالقحطاني]

اخوي ابوحامد الشرقي

تشرفت بدعوتك ياغالي
وانا الايام الماضية ماكنت متواجد

لكن ابشر باللي يرضيك

[أسمري عالمي]

:
يخفق خفوق اللي برع في الخطابة
ويفلت نصاب السيف من كان سيّاف
لاجل الهنوف اللي زهى في خضابه
غروٍ تزاحم في محاسنه الأوصاف
:






غرو تزاحم في محاسنه الأوصاف=يقول لا تترك وليفك خلاوي
قلت استمع وش قيل في ماضي القاف :=( ماني على فرقاك يا شوق ناوي)

[أبو حامد الشرقي]

اخوي ابوحامد الشرقي

تشرفت بدعوتك ياغالي
وانا الايام الماضية ماكنت متواجد

لكن ابشر باللي يرضيك



مرحـبــا ألـ1000ـف
وبانتظار تشريفك يالجزل
..

[أبو حامد الشرقي]

غرو تزاحم في محاسنه الأوصاف=يقول لا تترك وليفك خلاوي
قلت استمع وش قيل في ماضي القاف :=( ماني على فرقاك يا شوق ناوي)[






صح لسانك يا عالمي .. ولاهنت

:
(ماني على فرقاك يا شوق ناوي)
قـربـك مُـنـاي وغـايـتي لـلـنـهاية
يا مسك يا عنبر ويا عود جاوي
فيك انتهى شوقي ومنك البداية
:

[ابو الوليد]

:



فيك انتهى شوقي ومنك البداية

الحاضر انت وباكر الحب لك انت
ناظر حروفي كيف ترسم غــلايه
انت العيون اللي بها اشوف لاشفت




:

[أبو حامد الشرقي]

:
أنت العيون اللي بها اشوف لاشفت
وانته عوين اللي تباطى عوينه
وانت الذي لاحتاجك الضامي اسعفت
والشاعر التمساح يالربع وينه ؟!
:

[ابو الوليد]

:

والشاعر التمساح يالربع وينه ؟!
ماعاد له شوفه ولا عاد له طاري
انا اخبر انه يطرب لكل زينه
وينوض نوض البارق بليل ساري

:

[أبو حامد الشرقي]

:
ينوض نوض البارق بليل ساري
ويطول به ممشاه ويطول مسراه
ماله سوى القمرا رفيق مباري
من بعدما خلّه جفاه وتناساه
:

[عبدالله الأسمري]

من بعد ماخله جفاه وتناساه= يبقى الوصل ممدود بينك وبينه
ابشر بعزك بعد ماالخبر جاه=النور من عندك ويعكس جبينه

[أبو حامد الشرقي]

من بعد ماخله جفاه وتناساه= يبقى الوصل ممدود بينك وبينه
ابشر بعزك بعد ماالخبر جاه=النور من عندك ويعكس جبينه



حياك الله أخوي الغالي التمساح .. بقدر ما أسعدتني عودتك

:
النور من عندك ويعكس جبينه
وقدره بقلبك مثل قدرك بقلبه
لان الوفا ما بين الاجواد دينه
والا الرّدي ما يوفي إلا بطلبه
:

[عبدالله الأسمري]

الله يبقيك اخوي ابو حامد

ويرفع قدرك


والا الردي مايوفي الابطلبه= هذي طبوع الاش في كل الاوقات
واللي مثيلك كفو ماينّطلبه= يبدي بطيبه مثل شمس الشروقات

[أبو حامد الشرقي]

:
يبدي بطيبه مثل شمس الشروقات
ويغيب وفعوله تسدّ بغيابه
راعي الجمايل حيّ لو كان قد مات
واللاش ميّت لو وقف في ثيابه
:

[ابو الوليد]

:
يبدي بطيبه مثل شمس الشروقات
ويغيب وفعوله تسدّ بغيابه
راعي الجمايل حيّ لو كان قد مات
واللاش ميّت لو وقف في ثيابه
:


:
اللاش ميّت لو وقف في ثيابه
اللاش مهما عاش بيموت وهو لاش
ما ياصل العليا ولا العلم جابه
مثل الفراش ان شاف له رشة رشاش

[أبو حامد الشرقي]

:
مثل الفراش ان شاف له رشة رشاش
واخس من حال الفراش ارتباشي
لا مر طاري اللي فديته ليا عاش
وان مات مالي حاجةٍ في معاشي
:

[عبدالله الأسمري]

وان مات مالي حاجة في معاشي= يموت ويموت الردى عقب فرقاه
يامن تسيرالصعب في الدرب ماشى=تشكي هموم القلب من ظيم حرقاه

[أبو حامد الشرقي]

:
تشكي هموم القلب من ظيم حرقاه
وانا انصحك لا تشتكي يالسنافي
لو بالشكاوي ما بغيناه نلقاه
أبديت من شكواي ما كان خافي
:

[ابو الوليد]

:
أبديت من شكواي ما كان خافي
والمشكل اني كنت متوقع ارتاح
ساعة تبوح الخافية بالقوافي
الحظ وش به لا يوقف ولا طاح
:

[أبو حامد الشرقي]

:
‏ الحظ وش به لا يوقف ولا طاح
يالله عليك المشتكى يا إلاهي ‏
لا ضاع راس المال ما جات الأرباح
‎وش يربح اللي راس ماله مقاهي ؟
:

[المحيــط]

وش يربح اللي راس ماله مقاهي
لا صار لاصايم ولا فرض صلاه
هذي خساره ما يفيد التباهي
بكره يبي يجحد وينكر سواياه

[أبو حامد الشرقي]

وش يربح اللي راس ماله مقاهي
لا صار لاصايم ولا فرض صلاه
هذي خساره ما يفيد التباهي
بكره يبي يجحد وينكر سواياه


:
بكره يبي يجحد وينكر سواياه
ويروح منها مثل زرق الرميّه
ويصير غبنه للذي يوم خاواه
قال أحتزم باللي ينومس خويّه
:

[أبو حامد الشرقي]

بانتظار شعرائنا الكرام ..
لإثراء المساجلة ونثر جزل المعاني
الموضوع تفاعلي كما ترون .. وقوامه أنتم
فأهلا وسهلا بالجميع بلا استثناء

[ابو المعارك]

قال أحتزم باللي ينومس خويّه
لاصار به شانن على كل نيشان
واترك ديار الغدر لوهي خويّه
وصحبة رجالن صفّها صف كيشان

[أبو حامد الشرقي]

قال أحتزم باللي ينومس خويّه
لاصار به شانن على كل نيشان
واترك ديار الغدر لوهي خويّه
وصحبة رجالن صفّها صف كيشان


شاعرنا / أبو المعارك
صح لسانك ،،
وشكرا لتشريفك

:
وصحبة رجالن صفّها صف كيشان
ماليبها لو من وراها ملايين
لا هم باهل دينٍ ولاهم باهل شان
يا جعلهم فدوة حذيّ الميامين
: