الأجدل
6 - 2 - 2009, 11:14 PM
الســـــــــلام عليكم
قرائنا ..موقعنا الغالي اليكم متواضعتي هذه من نسج خيالاتي آمل ان تنال اعجابكم وهي تعبر عن نفسها وتحية غلا لمن مر من هنا.....
الأجدل قال عزي راس مالي=وريح المجد لا هبّت هبوبه
قصيده مبهمه برق ومخالي=ولا ندري من المعنى يصوبه
حبكتي حرفها مر(ن) وحالي=وسببتي لنا فيها نشوبه
مثل قصر(ن) بدا للناس عالي=ولكن يجهل العاقل دروبه
الأجدل صابر وللحمل شالي=ولا يقدر لتدريسه لعوبه
شريف القول يرقى للمعالي =ومن يعصاه يبلع من حبوبه
انا قافي معتــّـق من خيالي=ابد ماهو لناس ٍ تاجروبه
بيبقى ما بقى صيت الهلالي=ويحكيبه بعد من لا حكوبه
وهذا الكنز من جدي وخالي=ولا يصدا إذا مسّه رطوبه
إذا مني دعيته او طرالي=يجيني خاضع ٍ مثل الحلوبه
يصيب بحرقته من لا صفالي=ويشوي باللهب ناس ٍ نووبه
نصحني عنتره يوم القتالي=وقال الخصم عيبه في جنوبه
ولكـّـن الفرزدق مايبالي=يقول اضرب بقافك من هجوبه
وطرفة قام يضرب لي مثالي=وقال انصحك لا تبدي ضروبه
إذا منـّه تمادى في الهبالي =فدوم السدر في عالي علوبه
ويزهمنا الحطيئه في تعالي=يقول الخصم بالله شمـّـتوبه
وخلـّو هامته جوف الرمالي=ويدري به بعد من لا دروبه
فهذا سلعته وسط السلالي =يبيع اليوم ما امس اشتروبه
وغضب الشنفري لمّا حكالي=من الموقف وممن هلّلو به
فراس الرجم يبقى في العلالي=وقاع الارض للي درهموبه
فقول الفخر من اسما خصالي=وقول الزور للّي ساوموبه
فكن اجدل وحلّق بالعلالي=وكن كالماء في صافي عذوبه
إذا جات المذمـّه من رجالي= فسيفك كم رجال ٍ ذبحوبه
وما دام المذمـّه من غوالي=فدين الشرع لازم يحكمو به
لها ربع السَهَمْ من راس مالي=ولي حكم الولايه والعقوبه
أظن الصورة اضحت في كمالي=ولا بعد الوضوح إلا المثوبه
ألا يالله يا عالم بحالي=تزيح الشر وامنعني دروبه
وختمي بالذي منه اتكالي=الى حوضه وترويني غروبه
وصلى الله ما اذن بلالي+على محمد عدد من آمنوبه
قرائنا ..موقعنا الغالي اليكم متواضعتي هذه من نسج خيالاتي آمل ان تنال اعجابكم وهي تعبر عن نفسها وتحية غلا لمن مر من هنا.....
الأجدل قال عزي راس مالي=وريح المجد لا هبّت هبوبه
قصيده مبهمه برق ومخالي=ولا ندري من المعنى يصوبه
حبكتي حرفها مر(ن) وحالي=وسببتي لنا فيها نشوبه
مثل قصر(ن) بدا للناس عالي=ولكن يجهل العاقل دروبه
الأجدل صابر وللحمل شالي=ولا يقدر لتدريسه لعوبه
شريف القول يرقى للمعالي =ومن يعصاه يبلع من حبوبه
انا قافي معتــّـق من خيالي=ابد ماهو لناس ٍ تاجروبه
بيبقى ما بقى صيت الهلالي=ويحكيبه بعد من لا حكوبه
وهذا الكنز من جدي وخالي=ولا يصدا إذا مسّه رطوبه
إذا مني دعيته او طرالي=يجيني خاضع ٍ مثل الحلوبه
يصيب بحرقته من لا صفالي=ويشوي باللهب ناس ٍ نووبه
نصحني عنتره يوم القتالي=وقال الخصم عيبه في جنوبه
ولكـّـن الفرزدق مايبالي=يقول اضرب بقافك من هجوبه
وطرفة قام يضرب لي مثالي=وقال انصحك لا تبدي ضروبه
إذا منـّه تمادى في الهبالي =فدوم السدر في عالي علوبه
ويزهمنا الحطيئه في تعالي=يقول الخصم بالله شمـّـتوبه
وخلـّو هامته جوف الرمالي=ويدري به بعد من لا دروبه
فهذا سلعته وسط السلالي =يبيع اليوم ما امس اشتروبه
وغضب الشنفري لمّا حكالي=من الموقف وممن هلّلو به
فراس الرجم يبقى في العلالي=وقاع الارض للي درهموبه
فقول الفخر من اسما خصالي=وقول الزور للّي ساوموبه
فكن اجدل وحلّق بالعلالي=وكن كالماء في صافي عذوبه
إذا جات المذمـّه من رجالي= فسيفك كم رجال ٍ ذبحوبه
وما دام المذمـّه من غوالي=فدين الشرع لازم يحكمو به
لها ربع السَهَمْ من راس مالي=ولي حكم الولايه والعقوبه
أظن الصورة اضحت في كمالي=ولا بعد الوضوح إلا المثوبه
ألا يالله يا عالم بحالي=تزيح الشر وامنعني دروبه
وختمي بالذي منه اتكالي=الى حوضه وترويني غروبه
وصلى الله ما اذن بلالي+على محمد عدد من آمنوبه