الأجدل
15 - 2 - 2009, 12:38 AM
الســــــــــــلام عليكم
قرائنا الاعزاء موقعنا الغالي اليكم قصيده بعنوان (مناحي والباص) مع الاعتذار للأخ العزيز ونجمنا المحبوب الكوميديان فايز المالكي واقول له يا فايز مالك شغل بالقصيده وهي مجرد تشبيه لموقف معين لا اكثر ارجو ان تنال اعجاب جمهورنا الغالي وتحية غلا لكل من مر من هنا.......
اشوف مناحي وباصه يدور له على ركــــاب=من عليشه الى البطحا شقى والله ما الومـــــــه
غيار الزيت منفوحه ووزن البلف في ديــراب=مواصيره وشفاطه من الدعسات مكتومــــــــه
مكينة بوّشت عنده بعد ذاك المهندس غـــــــاب= يصيّح صوب حارتنا بغى ينسدّ بلعومــــــــــه
طفق في الارض متخفي فلا معطي ولا وهاب=يعاتب حضه العاثر يحسب الناس محرومـــــه
تبقّى له من الدنيا رفيق وغترتين وكـــــــــــاب=واصحابه لباس الراس والكتفين ملمومـــــــــه
إمامه من على المنبر عرف قدسيّة المـــحراب=سجد يطلب كثير الرزق والارزاق مقسومــــه
يبي يرقا الشوامخ والنقا في عالي المرقـــــــاب=ولا يصل المعالي شخص فيه النفس محمومــه
بلغني علم من غالي وانا لازلت له مخــــــلاب=ولا فكرت في بيعه ولا في سوقنا سومــــــــــه
ابي يذكر مواقفنا معه يوم الفشك شبــّـــــــــاب=ترا بندق خويك يا فتى من دمك معصومــــــه
عسانا نعرف العله وباداويك بالاعشـــــــــــاب=ونخلط لك عسل صافي مع زيته على ثومـــــه
علومي ما بيفقها سوى اهل العرف والالبــــاب=افسّر كيف اوضح كيف والآذان مصمومـــــــه
ترا طاس اللبن يفسد ليا ما طاح فيه ذبــــــــاب=ومن شربه يبي يصبر على ويلات يحمومـــــه
انا ماجاك مني ياسمي الاصل والانســــــــاب=سوى حرف نبرّيبه علاقة ناس متهومــــــــــه
عليم الله يشهد في علاه وطالبه ما خـــــــــــاب=على وضح النقا والبينه بالصدر محكومــــــــه
ترا سم الحنش تضهر لواهيبه براس الــــــداب=ولا يسلم صويبه وان نجا بيجيه ملطومـــــــــه
ثعالبنا ليا ما شافت الهوشات بين ذيــــــــــــاب=تشم ارض الخصيمه والوغى بخشوم مزكومـه
تبي تدخل تدس السم وتخرب بيوت اصحاب=ولكنّ الحصون الشامخه بالحقد مرجومه
سمحنا في معزتكم وقلنا ان الهوا غــــــــــلاب=واثار اصدورهم من صحبتي وياك مصدومــه
مريض القلب والغيره بيبقى بيننا ما طاب=وتبقى علته دايم وهي بالجوف مختومه
طبيعه جمرها والع تدور للفتن مركاب=صدق من قال نفس ٍ ما مشت بالعز مظلومه
عزيز النفس ما يرمى عزيز النفس ما ينصاب=ولا همّه كلام ٍ جاه من شفرات مثلومه
نصيحه بيع هذا الباص وتخلّص من الاسباب =وتسلم من شرور الوقت والاقدار معلومه
قرائنا الاعزاء موقعنا الغالي اليكم قصيده بعنوان (مناحي والباص) مع الاعتذار للأخ العزيز ونجمنا المحبوب الكوميديان فايز المالكي واقول له يا فايز مالك شغل بالقصيده وهي مجرد تشبيه لموقف معين لا اكثر ارجو ان تنال اعجاب جمهورنا الغالي وتحية غلا لكل من مر من هنا.......
اشوف مناحي وباصه يدور له على ركــــاب=من عليشه الى البطحا شقى والله ما الومـــــــه
غيار الزيت منفوحه ووزن البلف في ديــراب=مواصيره وشفاطه من الدعسات مكتومــــــــه
مكينة بوّشت عنده بعد ذاك المهندس غـــــــاب= يصيّح صوب حارتنا بغى ينسدّ بلعومــــــــــه
طفق في الارض متخفي فلا معطي ولا وهاب=يعاتب حضه العاثر يحسب الناس محرومـــــه
تبقّى له من الدنيا رفيق وغترتين وكـــــــــــاب=واصحابه لباس الراس والكتفين ملمومـــــــــه
إمامه من على المنبر عرف قدسيّة المـــحراب=سجد يطلب كثير الرزق والارزاق مقسومــــه
يبي يرقا الشوامخ والنقا في عالي المرقـــــــاب=ولا يصل المعالي شخص فيه النفس محمومــه
بلغني علم من غالي وانا لازلت له مخــــــلاب=ولا فكرت في بيعه ولا في سوقنا سومــــــــــه
ابي يذكر مواقفنا معه يوم الفشك شبــّـــــــــاب=ترا بندق خويك يا فتى من دمك معصومــــــه
عسانا نعرف العله وباداويك بالاعشـــــــــــاب=ونخلط لك عسل صافي مع زيته على ثومـــــه
علومي ما بيفقها سوى اهل العرف والالبــــاب=افسّر كيف اوضح كيف والآذان مصمومـــــــه
ترا طاس اللبن يفسد ليا ما طاح فيه ذبــــــــاب=ومن شربه يبي يصبر على ويلات يحمومـــــه
انا ماجاك مني ياسمي الاصل والانســــــــاب=سوى حرف نبرّيبه علاقة ناس متهومــــــــــه
عليم الله يشهد في علاه وطالبه ما خـــــــــــاب=على وضح النقا والبينه بالصدر محكومــــــــه
ترا سم الحنش تضهر لواهيبه براس الــــــداب=ولا يسلم صويبه وان نجا بيجيه ملطومـــــــــه
ثعالبنا ليا ما شافت الهوشات بين ذيــــــــــــاب=تشم ارض الخصيمه والوغى بخشوم مزكومـه
تبي تدخل تدس السم وتخرب بيوت اصحاب=ولكنّ الحصون الشامخه بالحقد مرجومه
سمحنا في معزتكم وقلنا ان الهوا غــــــــــلاب=واثار اصدورهم من صحبتي وياك مصدومــه
مريض القلب والغيره بيبقى بيننا ما طاب=وتبقى علته دايم وهي بالجوف مختومه
طبيعه جمرها والع تدور للفتن مركاب=صدق من قال نفس ٍ ما مشت بالعز مظلومه
عزيز النفس ما يرمى عزيز النفس ما ينصاب=ولا همّه كلام ٍ جاه من شفرات مثلومه
نصيحه بيع هذا الباص وتخلّص من الاسباب =وتسلم من شرور الوقت والاقدار معلومه