الأجدل
16 - 2 - 2009, 10:54 PM
الســــــــــــلام عليكم
موقعنا الغالي . قرائنا الكرام نقدم لكم قصيده جديده وحصريه لموقعنا الغالي وستكون انطلاقتها من هنا وهي بعنوان (مكوك الحرف) ارجو ان تنال رضى الجميع وتحيتي لكل من قرأها ومر من هنا.........
يامكوك الحرف قافي/ منزله كوكب زحل=يرصد اجرام ٍ غريبه /قصدها تبحث خفاه
الطريق اللي سلكته /قاع في بطنه جبل=من نوى يمشي بدربي/ تشكي اقدامه حفاه
نصبر وندرى المخاطر/ لا نكلّ ولا نمل=والذي يهوى المهالك /داه في معطف رداه
الكرم والجود بصمه/ مانبي غيره بدل=ومن يبي غيره فضيله/ ذاك يعني مستواه
نزرع احفاد القوافي/ ثم نجنيها جُمل=ومن بذر بذره ثمينه /يفتخر فيما جناه
ما يهاب الوحل موتر/ كان تصميمه دبل=ينفلج رمل الفيافي/ حيل من قوّة عطاه
ما تشوف إلا غباره /يوم سوّاقه بتل=تشتكي منه الوعوره /يشتكي درب ٍ مشاه
خطوته ماهي تساوي/ خطوة اقدام البغل=خطوته من جور سعيه/ تكسر اصلاب الحصاه
ما يسوقه غير شخص ٍ /لاذليل ولا خبل=فوق مرقاب الشهامه /مجلسه بين العتاه
سايل البنزين شربه/ ويتغذّى زيت شل=وارد اليابان صنعه /سعد من يقنا كماه
من يبي نيل المراجل/ يقضي اوقاته عمل=وان دعا داعي الكرامه/ فزّ لبىّ له نداه
المراجل من رعوده/ كل غيم ٍ له هطل=ومن مزون العزّ نبته/ كل ّ شغموم ٍ رعاه
من يروم المجد راسه /غصب نكتب له بطل=اذبح الحاشي بوجهه/ واذبح الحايل قفاه
تستحي منه الامانه /تنحني عنده خجل=وان نخيته في لزوم ٍ/ تلتقي وجه ٍ وجاه
لو نقض جاهل عهوده/ صاحب الحكمه فتل=يدمح الزلّه ولو هي/ جات له ممن هجاه
يقتحم صعب المواقف /وان نوى قال وفعل=يعرف العضو المريض /ويفتهم موطن بلاه
في ظلام الوقت نطقه /لك كما شهد العسل=وفي عجاج الظلم يحرم /معدة الطاغي عشاه
زهرة الناموس صيته /ريحها ريح النفل=يشبه العذب الزلالي/ في نقاه وفي صفاه
ما تغيّره المظاهر /ثابت ٍ مهما حصل=مثل ضلع طويق راسي /في قساه وفي وفاه
معدنه غالي ونادر /ما يقايس بالهلل=الوفا حبه وطبعه /ما يساوم في غلاه
موقعنا الغالي . قرائنا الكرام نقدم لكم قصيده جديده وحصريه لموقعنا الغالي وستكون انطلاقتها من هنا وهي بعنوان (مكوك الحرف) ارجو ان تنال رضى الجميع وتحيتي لكل من قرأها ومر من هنا.........
يامكوك الحرف قافي/ منزله كوكب زحل=يرصد اجرام ٍ غريبه /قصدها تبحث خفاه
الطريق اللي سلكته /قاع في بطنه جبل=من نوى يمشي بدربي/ تشكي اقدامه حفاه
نصبر وندرى المخاطر/ لا نكلّ ولا نمل=والذي يهوى المهالك /داه في معطف رداه
الكرم والجود بصمه/ مانبي غيره بدل=ومن يبي غيره فضيله/ ذاك يعني مستواه
نزرع احفاد القوافي/ ثم نجنيها جُمل=ومن بذر بذره ثمينه /يفتخر فيما جناه
ما يهاب الوحل موتر/ كان تصميمه دبل=ينفلج رمل الفيافي/ حيل من قوّة عطاه
ما تشوف إلا غباره /يوم سوّاقه بتل=تشتكي منه الوعوره /يشتكي درب ٍ مشاه
خطوته ماهي تساوي/ خطوة اقدام البغل=خطوته من جور سعيه/ تكسر اصلاب الحصاه
ما يسوقه غير شخص ٍ /لاذليل ولا خبل=فوق مرقاب الشهامه /مجلسه بين العتاه
سايل البنزين شربه/ ويتغذّى زيت شل=وارد اليابان صنعه /سعد من يقنا كماه
من يبي نيل المراجل/ يقضي اوقاته عمل=وان دعا داعي الكرامه/ فزّ لبىّ له نداه
المراجل من رعوده/ كل غيم ٍ له هطل=ومن مزون العزّ نبته/ كل ّ شغموم ٍ رعاه
من يروم المجد راسه /غصب نكتب له بطل=اذبح الحاشي بوجهه/ واذبح الحايل قفاه
تستحي منه الامانه /تنحني عنده خجل=وان نخيته في لزوم ٍ/ تلتقي وجه ٍ وجاه
لو نقض جاهل عهوده/ صاحب الحكمه فتل=يدمح الزلّه ولو هي/ جات له ممن هجاه
يقتحم صعب المواقف /وان نوى قال وفعل=يعرف العضو المريض /ويفتهم موطن بلاه
في ظلام الوقت نطقه /لك كما شهد العسل=وفي عجاج الظلم يحرم /معدة الطاغي عشاه
زهرة الناموس صيته /ريحها ريح النفل=يشبه العذب الزلالي/ في نقاه وفي صفاه
ما تغيّره المظاهر /ثابت ٍ مهما حصل=مثل ضلع طويق راسي /في قساه وفي وفاه
معدنه غالي ونادر /ما يقايس بالهلل=الوفا حبه وطبعه /ما يساوم في غلاه