الأجدل
1 - 3 - 2009, 10:57 PM
الســــــــــــــــلام عليكم
موقعنا الغالي قرائنا الكرام متواضعه غزليه لقلوبكم الخضراء ومن باب التنويع بالطرح إاليكم القصيده بأمل ان تنال اعجابكم وتحية غلا لمن قرأ ومر من هنا..........
غطرفي يا قوافي والمعي يا سيوف=وافرحي يا بوادي نجد وتلالها
رش يا عيد عطرك من قزاز الحروف=وانثره في بشوت العيد ورجالها
كل عام ٍ وعيني في غلاكم تشوف=فرحة العيد للشاري وكيّالها
اقضي العيد قرب مخضبات الكفوف=والعيون النواعس حظ من طالها
باشري يامعازف فن ضرب الدفوف=يا عسا روح روحي ينشرح بالها
اطرقي باب قلبي واقلطي يا هنوف=وادركي نفس محبوبك برا حالها
زلزلي شاعر ٍ يطرب لهزّ الكتوف=واصلي ليلة المسحوب وهبالها
صفقي يا مشاعر وارقصي يا عطوف=واسمعي يا عراص الارض خلخالها
القوافي تغرّد والمشاعر ضيوف=والحنايا تغازل فيض زلزالها
المدامع تغني والمحاجر كهوف=والعباير ترازم نوّ همّالها
تقهرين الجمال وعين ربعه تشوف=والمحاسن من اجلك خـّـلت اشغالها
من زكاة المباسم وزّعي للضعوف=يغفر الطرف للبسمه من افعالها
نظرة العين تذبحني وتقتل صفوف=وغمزة الرمش تشرحلي عن احوالها
قام قاضي الدلع يشكي لشيخ الظروف=لكن الحرّ الأجدل قبلهم شالها
وصل قدره بقلبي لين حدّ السّقوف=يا مخازن خفوقي رصّي احمالها
المعاليق تبني من ضلوعي رفوف=والشرايين تنشز عرش منزالها
لو بدا الغدر حربه واعلنه بالكشوف=للوفا فيه حكمه عندنا قالها
هالزمن عاد فيه الودّ عدة صنوف=والردى والخيانه غصب نغتالها
من جليد العواطف سرت له فرو صوف=ومن هجير الصبابه عشت بظلالها
ريحة المسك والعنبر ونفحات دوف=والمعتــّق وريحه فاح من شالها
لو تجي منية المفتون حسب الشفوف=كان دينار حبي صاب مثقالها
يوم جابت لي الذكرى حسين الوصوف=صاف قلبي وعصر العيد غنـّا لها
موقعنا الغالي قرائنا الكرام متواضعه غزليه لقلوبكم الخضراء ومن باب التنويع بالطرح إاليكم القصيده بأمل ان تنال اعجابكم وتحية غلا لمن قرأ ومر من هنا..........
غطرفي يا قوافي والمعي يا سيوف=وافرحي يا بوادي نجد وتلالها
رش يا عيد عطرك من قزاز الحروف=وانثره في بشوت العيد ورجالها
كل عام ٍ وعيني في غلاكم تشوف=فرحة العيد للشاري وكيّالها
اقضي العيد قرب مخضبات الكفوف=والعيون النواعس حظ من طالها
باشري يامعازف فن ضرب الدفوف=يا عسا روح روحي ينشرح بالها
اطرقي باب قلبي واقلطي يا هنوف=وادركي نفس محبوبك برا حالها
زلزلي شاعر ٍ يطرب لهزّ الكتوف=واصلي ليلة المسحوب وهبالها
صفقي يا مشاعر وارقصي يا عطوف=واسمعي يا عراص الارض خلخالها
القوافي تغرّد والمشاعر ضيوف=والحنايا تغازل فيض زلزالها
المدامع تغني والمحاجر كهوف=والعباير ترازم نوّ همّالها
تقهرين الجمال وعين ربعه تشوف=والمحاسن من اجلك خـّـلت اشغالها
من زكاة المباسم وزّعي للضعوف=يغفر الطرف للبسمه من افعالها
نظرة العين تذبحني وتقتل صفوف=وغمزة الرمش تشرحلي عن احوالها
قام قاضي الدلع يشكي لشيخ الظروف=لكن الحرّ الأجدل قبلهم شالها
وصل قدره بقلبي لين حدّ السّقوف=يا مخازن خفوقي رصّي احمالها
المعاليق تبني من ضلوعي رفوف=والشرايين تنشز عرش منزالها
لو بدا الغدر حربه واعلنه بالكشوف=للوفا فيه حكمه عندنا قالها
هالزمن عاد فيه الودّ عدة صنوف=والردى والخيانه غصب نغتالها
من جليد العواطف سرت له فرو صوف=ومن هجير الصبابه عشت بظلالها
ريحة المسك والعنبر ونفحات دوف=والمعتــّق وريحه فاح من شالها
لو تجي منية المفتون حسب الشفوف=كان دينار حبي صاب مثقالها
يوم جابت لي الذكرى حسين الوصوف=صاف قلبي وعصر العيد غنـّا لها