ترافيان...

[المـــــاس]

السلام عليكم ورحمة الله وبركاته
اسعد الله جميع اوقاتكم ,.,,
مبطين منكم بس اعذرونا على القصور
وهذه المسيره لعلها تشفع عن غيابنا ...
ولكم اجمل تحيه


بسم ربي عظيم الشان نبدا المعاني والقصيـد
من زمان القصايد تعني الناس من رمز الرساله
وانحن رجال نمشي في خطا المجد نتبع جدنـا
ياغبون الرجال اللي نشوف المهازل من جهدها
مثل غبن المربي يوم ربى صقـر وانهـد بـه
في زمان العلوم وفي زمان التقدم والحضـاره
لازم الرجل يحذر من سهوم البشر في العالمين
جاتنا لعبة ايهود وخنازيـر لعبـة مستهينـه
تستهين الرجال اللي تفكـر وتلعـب بالعقـول
قالوا اترافيان الله يلعن ابـو اللـي صانعنهـا
اغفلت عقل من كان انتغذا من افكاره وضـاع
الهت الناس عن ذكر الله وملهيتهم عن وطنهم
حسبي الله على اللي يتبع الغرب فيمـا سنتـه
يارجاجيل تكفون الرجاجيل راحوا في خبرهـا
الحقوا مابقى معنا من النـاس غيـر اطفالنـا
الحقوا مابقى معنا من النـاس غيـر اطفالنـا

[سم طال عمرك]

لازم الرجل يحذر من سهوم البشر في العالمين
جاتنا لعبة ايهود وخنازيـر لعبـة مستهينـه
تستهين الرجال اللي تفكـر وتلعـب بالعقـول
قالوا اترافيان الله يلعن ابـو اللـي صانعنهـا

صح لسانك ولاهنت ويعطيك العافيه

[المسافر1]

تسلم يمينك .....
دوم مبدع ومتالق........

[الأجدل]

الماس
صح السانك وحياك الله بين ربعك واخوانك
نص هادف وملي بالحكم وجميل التنبيه
من شاعر وجوده مكسب للجميع
تحياتي لك

[AbU FiRaS]

الماس جزل وافي


سلمت يا غالي


لا عدمنا جديك


وحياك الله بين ربعك وهلك

دمت متألق

[don‘t play with me]

شـكــ وبارك الله فيك ـــرا لك ... لك مني أجمل تحية .

[بقايا جروح]

صح لسانك والله انك صادق ان كثير من الشباب طايحين باللعبه والله يصلحهم

[سعيد الأسمري]

بسم الله الرحمن الرحيم

وعليكم السلام ورحمة الله وبركاته


حي الله شاعرنا القدير المــــــاس ومرحبا الف والله يحييك وين غيبتك يارجل أبطيت علينا

عوداً حميداً وصح لسااااااااااااااااااااانك وبيض الله وجهك








الرد

=مرحبا يالله حي اللي له المجد و العلياء قصيد
=مرحبا بك ياشاعر كل قافاً من المعنى رساله
=ينعرف يازميلي في المواقيف مزح وجنا
=مانسوي سواة اللي مبانيه علاها وجاء هدها
=ساسها هش ماترسي وجدر البناء منهدبه
=ماتشابه بيوت البدو يامن سكن بيت الحظاره
=يوم تنشد عن المطلق ولاتسأل اعن العال مين
=ومن يدور على الشرهه مخادع وله ناساً تهينه
=ما دواء من يدور لزلل غير يوثق بالعقول
=حتى يعرف عواقب فعلته يوم هو ماصان عنها
=وانا والله ماامشي مع ردياً ولا ناس(ن)وضاع
=مالي في صحبة ماترفع الرأس وامشي في وطنهم
=حكمنا الشرع دين الحق وحي الكتاب وسنته
=وانت يا المـاس جبت السالفه يوم مابين خبرها
=ناد الأسعاف تنقذنا من الجرح والأطفاء لنا
=ناد الأسعاف تنقذنا من الجرح والأطفاء لنا

[المهاجروغصب عنه]

اشكركم وتقبلوا مروري

[المـــــاس]

اخواني الاعزاء ...
اشكركم جزيل الشكر لمروركم المشرف ..
وهذا يدل على وفائكم الذي لاينقطع ..ومعرفتي بكم وثقتي لاتزال فانتم اخواني وربعي
واخص بالشكر الاخ الشاعر سعيد الاسمري الذي رد على القصيده بما يمليه عليه ضميره
وكان رده جميلا...فأتمنى للجميع التوفيق وتقبلوا اجمل وارق التحايا