الأجدل
23 - 4 - 2009, 10:33 PM
الســـــــــــــــــــــــــــــلام عليكم
من الألبوم الخاص إليكم هذه المتواضعه بأمل ان تنال اعجابكم وتحية غلا لمن قرأ ومرّ من هنا......
إن جاك خطل وقام يمضغ كلامه=سُق له من البلجيك عبرود يشويه
الخِبل ما له في جبينه علامه=لكن فعوله للغرابيل ترميه
الحُر ما يلحق لسانه ملامه =والخِبل ينطق لكن الصدق يخفيه
الحُر تعرف بصمته من بهامه=والخِبل بصمات المناعير توفيه
الحُر مقياسه بدقّة نظامه=والخِبل ميزانه عن العدل يعميه
الحُر ثابت ما تراقل عظامه=والخِبل لطمات الزمن ما تصحيه
الحُر تبقى ميزته في لثامه=والخِبل بإسمه لكن الكذب يزغيه
الحُر يسبر هسهسات النعامه=والخِبل راسه يدفنه ثم يبديه
الحُر ملبوسه لباس الشهامه=والخِبل فوقه ملبسه لين يبليه
الحُر طلقات النقا في حزامه=والخبل ماله بالمطاليق تشبيه
الحُر يوفي للرجال التزامه=والخِبل علم الصدق والحق يخطيه
الحُر واعي ما غفى في منامه=والخبل ودّك ميسم الراس يكويه
الحُر ما يرضى بطبع الفدامه=والخِبل طبع الغش والظلم يرضيه
الحُر ما يرقى دروب الغشامه=والخِبل درب المعرفه عجز يمشيه
الحُر نبع العزّ يروي حيامه=والخِبل غدران المشاريه ترويه
الحُر قافه من صميم الزعامه=والخِبل حرفه صاحب العرف يرثيه
الحُر راس الضلع غاية مرامه=والخِبل قاع الكهف والجحر يكفيه
الحُر يفرض هيبته بإحترامه=والخِبل يخجل راعي العقل يطريه
الحُر هو راع الطلي والفطامه=والخِبل جهل العقل للموت يطميه
الحُر مايظلم وصيف اليتامه=والخِبل شيطانه عن الخير يغويه
الحُر برق العزّ يشعل غمامه= والخِبل نوّ المُهل في حفنة إيديه
الحُر ما يجرح فرايض صيامه= لا خِبل لا معتوه لا دلخ لاتيه
الحُر رايات الوفاء له عمامه=والخِبل حقده يكتسيبه ويكسيه
الحُر يبني ناطحات الكرامه=والخِبل جحره يعتني به ويبنيه
الحُر له في لمّة الشمل شامه=والخبل تفريق البني عم يشفيه
الحُر حر وتعرفه من مقامه =والخِبل خِبل ولو من الشهد تسقيه
الحُر ما يطعن بسلّة حسامه=خِبل ٍ لسانه باعته كيف يشريه
الحُر يدمي في نهار التحامه=يفرك بخشم الخِبل والخِِبل يوحيه
الحُر نفرح في بقاه ودوامه =والخِبل لازم غابر الوقت يطويه
الحُر قوله فيه باس وصرامه=والخِبل ما ينفع مع الناس تدعيه
الحُر يدرك وين يركز سهامه=والخِبل ما يدرك ولو كنت توصِيه
الحُر جزل القاف بيده خطامه=والخِبل تلقى ناقص القوم يمليه
الخِبل متمرّد يغازل قوامه=وتغطرف المتشرّده له وتغريه
الحُر الأجدل حبّ يقري سلامه =واللي قرأ بالروح والعمر يفديه
من الألبوم الخاص إليكم هذه المتواضعه بأمل ان تنال اعجابكم وتحية غلا لمن قرأ ومرّ من هنا......
إن جاك خطل وقام يمضغ كلامه=سُق له من البلجيك عبرود يشويه
الخِبل ما له في جبينه علامه=لكن فعوله للغرابيل ترميه
الحُر ما يلحق لسانه ملامه =والخِبل ينطق لكن الصدق يخفيه
الحُر تعرف بصمته من بهامه=والخِبل بصمات المناعير توفيه
الحُر مقياسه بدقّة نظامه=والخِبل ميزانه عن العدل يعميه
الحُر ثابت ما تراقل عظامه=والخِبل لطمات الزمن ما تصحيه
الحُر تبقى ميزته في لثامه=والخِبل بإسمه لكن الكذب يزغيه
الحُر يسبر هسهسات النعامه=والخِبل راسه يدفنه ثم يبديه
الحُر ملبوسه لباس الشهامه=والخِبل فوقه ملبسه لين يبليه
الحُر طلقات النقا في حزامه=والخبل ماله بالمطاليق تشبيه
الحُر يوفي للرجال التزامه=والخِبل علم الصدق والحق يخطيه
الحُر واعي ما غفى في منامه=والخبل ودّك ميسم الراس يكويه
الحُر ما يرضى بطبع الفدامه=والخِبل طبع الغش والظلم يرضيه
الحُر ما يرقى دروب الغشامه=والخِبل درب المعرفه عجز يمشيه
الحُر نبع العزّ يروي حيامه=والخِبل غدران المشاريه ترويه
الحُر قافه من صميم الزعامه=والخِبل حرفه صاحب العرف يرثيه
الحُر راس الضلع غاية مرامه=والخِبل قاع الكهف والجحر يكفيه
الحُر يفرض هيبته بإحترامه=والخِبل يخجل راعي العقل يطريه
الحُر هو راع الطلي والفطامه=والخِبل جهل العقل للموت يطميه
الحُر مايظلم وصيف اليتامه=والخِبل شيطانه عن الخير يغويه
الحُر برق العزّ يشعل غمامه= والخِبل نوّ المُهل في حفنة إيديه
الحُر ما يجرح فرايض صيامه= لا خِبل لا معتوه لا دلخ لاتيه
الحُر رايات الوفاء له عمامه=والخِبل حقده يكتسيبه ويكسيه
الحُر يبني ناطحات الكرامه=والخِبل جحره يعتني به ويبنيه
الحُر له في لمّة الشمل شامه=والخبل تفريق البني عم يشفيه
الحُر حر وتعرفه من مقامه =والخِبل خِبل ولو من الشهد تسقيه
الحُر ما يطعن بسلّة حسامه=خِبل ٍ لسانه باعته كيف يشريه
الحُر يدمي في نهار التحامه=يفرك بخشم الخِبل والخِِبل يوحيه
الحُر نفرح في بقاه ودوامه =والخِبل لازم غابر الوقت يطويه
الحُر قوله فيه باس وصرامه=والخِبل ما ينفع مع الناس تدعيه
الحُر يدرك وين يركز سهامه=والخِبل ما يدرك ولو كنت توصِيه
الحُر جزل القاف بيده خطامه=والخِبل تلقى ناقص القوم يمليه
الخِبل متمرّد يغازل قوامه=وتغطرف المتشرّده له وتغريه
الحُر الأجدل حبّ يقري سلامه =واللي قرأ بالروح والعمر يفديه