ابو الوليد
26 - 4 - 2009, 01:29 AM
ياليل ياطولك علـى القلـب ياليـل=وجدي لعيني مـن سهـاد الليالـي
سر ياقلم واركب على صهوة الخيل=لمحمد بـن دليـم راس الرجالـي
شيخ عزيز من فحـول الرجاجيـل=من منبع اهل الطيب جـد وخالـي
الشمس ماتشرق على مدهل السيـل=واول شروق الشمس روس الجبالي
ماني براجي بصادق الشعر تبجيل=انا رجايه فـي عزيـز الجلالـي
ولاني من اللي يعشق القال والقيـل=او طامع فـي قولـة فـلان قالـي
سرى بي الهاجوس سرية هل الخيل=مره علـى سهـل ومـره رمالـي
لاني بعاشق واصبح مخاوي سهيل=ولاني بداله واقضي الليـل سالـي
تذكرت عود من قروم الرجاجيـل=الوالـد الله يرحمـه ويـل حالـي
اليا ذكرته صـار دمعـي هماليـل=ابكي بحرقـه والله اعلـم بحالـي
وجدي على شوفه وشوف المعاميل=وجدي على ذيك الليالـي الخوالـي
لكن رجاي بمجري الفلـك بالنيـل=انـه مـن الجنـة يفـوز وينالـي
شيباننا راحوا هـل البـن والهيـل=طوتهـم الايـام طـي الحبـالـي
كانوا نواصي خير مثـل القناديـل=عاشوا معا في كـل مـر وحالـي
كانوا وساع صدور لو كان به ميل=رفقت نقـا ماهـي كـلام يقالـي
مافرقتهم عـن بعضهـم الاقاويـل=ولا هوت بالبعض سـود الليالـي
يازين مجلسهـم وذيـك المواويـل=ويازين جمعتهم على كـل حالـي
كانت مجالسهـم عمـار ومداهيـل=مافيه بيت مـن المساييـر خالـي
البعض ماتلقى ببيتـه عشـى ليـل=لكن علـى ربـه نـوى الاتكالـي
اطلب من الله منزل الذكر تنزيـل=يسكنهـم الجنـة ومنـزال عالـي
واليوم خلف جيلهـم عقبهـم جيـل=شي جنوب وشـي رايـح شمالـي
الوضع مجمل ما يبا لـه تفاصيـل=والعاقل اعرف وش اكنـه ببالـي
وادي خرص ياجعله يعلـه السيـل=من وابل مزنـه غزيـر المخالـي
من عقب ما كانت غيول مساييـل=ماها قراح ومثـل طعـم الزلالـي
صارت خراب وصار بالوقت تبديل=الاشجار يبست في السهل والجبالي
انا اتفكر واتعـب الحـال والحيـل=وارجع الذكـرى لوقـت مضالـي
عساني القى لواقع الوضع تحليـل=وش هو سبب ماصار مهما جرالي
اشوف صار الوضع شي تهاويـل=غرايـب منهـا تـزول الجبالـي
المادة هي وحـدة الـوزن والكيـل=وكل يقول اصدق صديقـي ريالـي
سر ياقلم واركب على صهوة الخيل=لمحمد بـن دليـم راس الرجالـي
شيخ عزيز من فحـول الرجاجيـل=من منبع اهل الطيب جـد وخالـي
الشمس ماتشرق على مدهل السيـل=واول شروق الشمس روس الجبالي
ماني براجي بصادق الشعر تبجيل=انا رجايه فـي عزيـز الجلالـي
ولاني من اللي يعشق القال والقيـل=او طامع فـي قولـة فـلان قالـي
سرى بي الهاجوس سرية هل الخيل=مره علـى سهـل ومـره رمالـي
لاني بعاشق واصبح مخاوي سهيل=ولاني بداله واقضي الليـل سالـي
تذكرت عود من قروم الرجاجيـل=الوالـد الله يرحمـه ويـل حالـي
اليا ذكرته صـار دمعـي هماليـل=ابكي بحرقـه والله اعلـم بحالـي
وجدي على شوفه وشوف المعاميل=وجدي على ذيك الليالـي الخوالـي
لكن رجاي بمجري الفلـك بالنيـل=انـه مـن الجنـة يفـوز وينالـي
شيباننا راحوا هـل البـن والهيـل=طوتهـم الايـام طـي الحبـالـي
كانوا نواصي خير مثـل القناديـل=عاشوا معا في كـل مـر وحالـي
كانوا وساع صدور لو كان به ميل=رفقت نقـا ماهـي كـلام يقالـي
مافرقتهم عـن بعضهـم الاقاويـل=ولا هوت بالبعض سـود الليالـي
يازين مجلسهـم وذيـك المواويـل=ويازين جمعتهم على كـل حالـي
كانت مجالسهـم عمـار ومداهيـل=مافيه بيت مـن المساييـر خالـي
البعض ماتلقى ببيتـه عشـى ليـل=لكن علـى ربـه نـوى الاتكالـي
اطلب من الله منزل الذكر تنزيـل=يسكنهـم الجنـة ومنـزال عالـي
واليوم خلف جيلهـم عقبهـم جيـل=شي جنوب وشـي رايـح شمالـي
الوضع مجمل ما يبا لـه تفاصيـل=والعاقل اعرف وش اكنـه ببالـي
وادي خرص ياجعله يعلـه السيـل=من وابل مزنـه غزيـر المخالـي
من عقب ما كانت غيول مساييـل=ماها قراح ومثـل طعـم الزلالـي
صارت خراب وصار بالوقت تبديل=الاشجار يبست في السهل والجبالي
انا اتفكر واتعـب الحـال والحيـل=وارجع الذكـرى لوقـت مضالـي
عساني القى لواقع الوضع تحليـل=وش هو سبب ماصار مهما جرالي
اشوف صار الوضع شي تهاويـل=غرايـب منهـا تـزول الجبالـي
المادة هي وحـدة الـوزن والكيـل=وكل يقول اصدق صديقـي ريالـي