ضميد الدوسري
2 - 6 - 2009, 11:44 PM
الحمد لله والصلاه على رسول الله نبينا محمد عليه أفضل الصلوات والتسليم .هذاالموضوع جهد بسيط ومتواضع كـ إعطاء للقارئ نبذه بسيطه تعريفيه بقبيله الخييلات يتطرق لفروعها ونسبها وامارتها ولمحة بسيطة تاريخيه
قبيله الخييلات
نسب القبيله : يرجع نسب قبيله الخييلات الى عبدالله ابن الاخيل بن محمد بن عمر التغلبي. إحدى قبائل الدواسر , قال عنها المؤلف بادي فيحان الدوسري في كتابه قبيله الدواسر (( تعد قبيله الخييلات جمرة قبيله تغلب وكانت من أقوى بطون الدواسر ولهم معظم آبار باديه الدواسر )) أنتهى
أقسام القبيله : تنقسم الخييلات الى اربعه افخاذ وهم ال طينان وال حجاج ( الدلاهمه ) والعضادين والخماسين ( عيال منصور )
مساكن القبيله :
كانت قبيله الخييلات سابقاً تسكن الهضب غرب الوادي وحيثوا كانوا باديه رحّل فكانت لهم مفالي ابلهم وعدود موارد لها من أشهرها بالهضب الجخجوخ وثريا ثم رحلت القبيله من الوادي الى شمال شرق نجد بالدهناء والصمان بحثاً وطلباً للرعي متجاورين ونازلين بين القبايل وهناك قول اخر بأنهم رحلوا من الوادي حقناً للدماء بعد حروب وفتن طويله
بين قبيله الدواسر والله أعلم ,وكانواحامين لحدهم وحلالهم بسنان ارماحهم فكانوا باديه رحّل يتبعون مساقط المطر والرعي . يقول الشاعر
ترعي الوسامي في ذرانـا وضفنـا=يامن بنا الخايف مدارق أشرورهـا
وبحكم كون الخييلات مجاورين لقبائل اخرى كالعجمان ومطير فمن الطبيعي ان تحدث غارت بين الطرفين ولم يكن دور الخييلات في هذه الوقعات دفاعياً او حمايه بل لها العديد من الغارات والمغازي على القبايل الاخرى يقول الشاعر
كم هجمتً لاد الخييلي شعوها = = جتنا ولاعندك كون اثارها
ألقاب القبيله
1- مخانيز الرماح:
كنايه عن شده ضربهم أي بأن الرمح يخنز بالعظم او يخنز به الدم والبعض يطلق لقب مخاريز الرماح والاصح مخانيز الرماح وهناك عده روايات في سبب إطلاق هذا اللقب منها انه بعد معركه الخييلات مع الترك بالهضب وان الخييلات كانوا يضربونهم بالرماح والشلف ثم يخرجونها من قتلاهم ويعاودون القتال والحرب بها فبقى فيها اثار الدماء وغيرها برماحهم فأطلق عليهم, أما الروايه الاخرى فتحكي بأنه عندما كانوا الخييلات بالوادي كان الدواسر بأحد السنين ( مجنين ) أحد قبائل قحطان بسبب حروب بينهم فنزلوا على الخييلات بالهضب فنزّلوهم الخييلات , فأغضب ذلك الدواسر فأجتمعوا كبارهم ودعوا الخييلات الى الإجتماع فلما حضر رجال الخييلات وكان كل واحد منهم حاملاً رمحه وكانت رائحتها كريهه بسبب ضرب ثنادي الرجال بالمعارك فطلب أحد الجالسين إخراج رماحهم بسبب رائحتها فقال أحد الخييلات غاضباً : لولا خنيز أرماحنا مانّزل بساحنا, أي لولا هذه الرماح ماأستطعنا حمايه من نزلوا عندنا وهم مجّنين فأصبحوا يُلقبون بمخانيز الرماح ,, وبالنهايه هي كنايه عن شجاعتهم وانهم اهل شجاعه بالحروب والله أعلم.
قال الشاعر
مخانيز الرماح لابدى الشأن بالشان = حتى دوله الروم ذبحنا جنودها
ويقول الاخر
عليها من مخانيز الرماح سربه = تداقر الهيجا مدارع نحورها
2- هل الشرفا :
وهي عزوه ابناء القبيله عامه , والشرف هي ابل لإحدى قبائل الدواسر وفي أحد السنين غارت احدى القبائل على ابلهم الشرف فتم إستردادها على ايدي قبيله الخييلات فأصبحت عزوه الخييلات خيالة الشرفا ويقول الشاعر :
ربعي (هل الشرفا) رجال المواجيب= عوق الخصيـم وطيبهـم للعوانـي
وكذلك يقول الاخر:
حنا هل الشرفا سعد كل مشعافي = فرسان صفرٍ حنجها صوب مقهورها
3-مسامير الاشده:
وهو لقب للخماسين من الخييلات
( الشجاعه بالحروب)
عُرفت الخييلات قبيلةً عزيزه الجانب أبيّه ,لاترضى بالهون والضيم سطر أبناءها بدماءهم أمجاد القبيله و لها العديد من المعارك والانتصارات وهناك مواضيع مستقله تطرقت لها فبرزوا بين القبائل وإشتهروا بالقوه وبأسهم
على الإعداء وشجاعه فرسانهم وذيع صيتهم في انحاء الجزيره فهذا احد فرسانهم يقول واصفاً قبيلته وأفعالهم البطوليه :
كم عقيدً ماخذيناه غره = سقيناه في وضح النهار امرار
نفسه عسيفن طوعتها لابتي = وخلوه مطروحً برأس زبار
بعلط نوردها اكبود أعدانا = وحدبً تقصر في طويلين الاعمار
وكذلك قول شاعرهم
خياله الشرفا مجريت كل هايب == وقودً للحرب لاشتب صاليه
ويقول الشاعر مسعود المقابله
ويجيك من صوب الخييلات لابه = هل فزعهً كلً يحسّب حسابها
يردون حوض الموت لغلي سوقه= وخيالهم جيش الاعادي سطابها
وكذلك قول أحد شعارهم مفتخراً بإمجاد قبيلته
وانا لي ربوع ً في القسا يكسبون الطيب=فعايل بني عمي مـع النـاس مخبـوره
الاد (الخييلي) لابتـي محتميـن النيـب=تواريخهم في صحفة المجـد منشـوره
اليا جاء نهارً فيه راس الرضيع يشيـب=لهم وقفة ٍ عنـد الحنازيـب مخبـوره
كم شيخ قـومٍ حولوبـه عشـا للذيـب=وعاف الطمع من يوم شالوه عن كوره
(الخييلات وإكرام الجار )
عُرفوا الخييلات بحمايه الجار وحشمته كعاده عربيه أصيله وكـ سلم لقبيله الدواسر عامة , بل وكعُرفً لدى قبائل العرب منذ الجاهليه , فدائماً
ماكان يتفاجر رجال القبائل ويعدون من ضمن مفاخرهم إكرامهم للجار وحمايته , وأنه بينهم عزيز المقام له التقدير والإحترام من جميع رجال القبيله وأيً مساس لإكرامته يعدونه إهانه للقبيله وهم مطالبين برد إعتباره وإلا سيبقى ذلك نقطةسوداء تُنتقص القبيله بسببه , وقبيله الخييلات دائماً ماأُثني عليها بإكرامها للجار وحشمته وتقديره بينهم فهم
يحشمون جارهم ويأخذون بحقه , والجار لديهم يعد نفسه منهم من شده
تقديرهم له ,فهذا رجل من قبيله قحطان نزل بجاور الخييلات فتره طويله يُقال انها عشرين سنه فلماعاد الى قبيلته تذكر طيب جيره الخييلات وحشمتهم له فلم يطق صبرً الا بالعوده اليهم فقال
قصيده منها هذه الابيات :
صنهات مندوبي من فوق منجوبي == تجفل اليا حرك العرقوب راكبها
تلفي هل الوادي شعوان الالادي == حمايه الدار اليا خليت جوانبها
تلفي الخييلاتي لطامه العاتي == السربه اللى شبوب الحرب تعجبها
ذباحه الحايل فالعدل والمايل == وقصيرهم ضارن على الكرمه يناهبها
ويقول أحد شعّار الخييلات في قصيده له
خياله الشرفا لو كثرت الاطراف = دكاكه العدوان لوهم قبايل
قصيرنا يمسي ولا عنده اخلاف = يسعد بجيرتنا عسى النذل ذايل
ويقول الشاعرمحمد بن الشرع العمور :
ومنّا خييلاتً بهم ضرب الامثال = = بالجود والعزه وللجار تحماه
خياله الشرفا آلاد الخييلي =لامن رسى مدحي عل باب مرساه
(إكرام الضيف )
قبيله الخييلات كغيرها من القبايل العزيزه عُرفت بالكرم وإكرام الضيوف هذه العاده التي يتفاخر بها العرب بالجاهليه وبالاسلام , فعندما تُذكر مكارم الرجال والقبائل تُذكر صفه الكرم من أوائل الصفات والمفاخر التي يُتفاخر بها وهي من الامور التي أوصى بها الإسلام وحث عليها , وكثيراً ماأثُني على الخييلات ورجالها بالكرم وكثيراً ماتفاخر رجالها بصفه الكرم , هذه الصفه الحميده من صفات العرب فيقول محمد ابن معجب الخييلي واصفاً طيب قبيلته وإكرامهم للضيوف وعادت الكرم
لديهم فيقول :
تفرح بنا هجنً داميات الخفافي = =انقلط لها الترحاب والجانب الزين
لاعاد ولد الاش ماهـو يشافـي=لاكرم دور السنه حـط مديـن
يذل على مالـه يجيلـه خلافـي=حساب ربحه جعلـه الله للبيـن
ويقول الاخر
تلفي الخييلاتي لطامه العاتي = السربه اللى شبوب الحرب تعجبها
ذباحه الحايل فالعدل والمايل = وقصيرهم ضاريً على الكرمه يناهبها
ويقول الشاعر محمد مبارك الصخيبري
وفي المدح نحسب للخييلات حسبان= اهـل الكـرم واهـل الـدلال المباهيـر
ويقول الشاعر مشير بن سيف الخييلي
هذا فعل ربعي والكلام المصيب مصيـب=شيوخ القبايل تثبـت العلـم بعصـوره
وذباحـة ٍ للحيـل للضيـف والطنيـب=كبار الصحون اللي على الدوم مجروره
وأهل دلةٍ صفراء على النـار لشريـب=اهل هيل والبن الخضر مالهـا جـوره
(( معارك القبيلة وحروبهم ))
من الصعب حصر معارك الخييلات وإنتصارتهم في سطور بسيطة وذلك لما يحمل تاريخ هذه القبيله من تاريخ زاخر بالامجـاد والبطولات كبيرة فهذا أحد شيوخ قبيله عتيبة مشاري ابن ربيعان يُثني على فرسه بعد أن أنجته من الموت عندما غار على قبيله الخييلات ثم وصف افعال الخييلات فيقول :
ياسابقي تستاهلين البريره = لاجا نهارً مثل يوم الخييلات
قومً ترد المنكسر للمغيره = وتحط في وجيه المناعير شارات
ولعل أبرز معارك قبيله الخييلات قبل رحيلهم من الوادي هي المعركه الواقعه بمنطقة الهضب عندما توجهت إحدى كتائب القوات التركيه لمنطقه الهضب بقيادة القائد عثمان باشا بقصد الهجوم على الخييلات وتأديب بعد قيام رجال من القبيلة بأخذ مؤن وعتاد إحد كتائبهم فلما علم بذلك رجال القبيله قاموا بوضع أبل القبيله أمامهم في ساحة المعركه وتهجيجها أمام القوات التركيه وهم من خلفها , وبالفعل حدثت معركة بينهم
قُتل بها قائد القوات التركية عثمان باشا والعديد من جنود القوات العثمانيه وكسب بها
رجال القبيله مغانم هذه القوه من عتاد وأسلحه وقيل بعد هذه المعركه :
جتنا جماهيرً تشيل المصايـب= وحنا بالله واللي بالله مايخليــه
خيالة الشرفا مجريت كل هايب= وقودً للحرب لا شتـب صاليـــــه
الحمــد لله مانــهيب الحرايـب= ذبحنا الباشه وأدواله تباريـه
سقنا عليهم البل طفاح الجنايب= ومزرج بالدم خضبه راعيـــــــه
حمر الطرابيش غدو بينا نهايب=حل المثاروكلً أجله عند واليـــه
يومً على الروم ياوالله العجايب=يشهد لنا الهضب والي نازلً فيه
وكذلك من إنتصارات قبيله الخييلات معركه الابرق وهي عندما غار ركب جيشً من إحدى القبائل على قبيلة الخييلات بمنطقه ابرق ساره وأقفوا بأبل الخييلات فلحقهم أهل الطلب وحدثت بينهم معركه أنتصر بها الخييلات نصرً ساحقاً وقيل فيها
صـاح صيـاحً والعـج ثايـر= نعـم يلـي باللقـا حاضريـن
يوم جا عند (الابرق) حشايـر=كـل ظفـر ً بالملاقـا يبـيـن
لا لحقنا عنـد تالـي العشايـر= مرخصين الروح والله المعيـن
يوم( أبو ليل) على البوش غاير=غار واصبح عقب كونه حزين
دبرت خيلهم وراحـت كسايـر= وردينا المركـى مـع الأوليـن
ومن معارك القبيله معركه اليمامه التي حدثت بين الخييلات وأهالي قريه اليمامه من ضواحي الخرج وأنتصر فيها الخييلات وقيل فيها
نافدى اللي دبروا بأهـل اليمامـه= لين راحوا عقب فزعتهم سحايـل
يوم جو بالوصف عمدان التهامـه=فالتقوهـم لابتـي والـدم سايـل
ايقنوا بالموت مـا فيهـا سلامـه =يوم جوهم غلمةٍ من صلب وايل
نافدى اللي ما تغالى الروح سامه=كل غمر ٍ شيف وقعـه بالدبايـل
ما دروا بفعولنا حضـر اليمامـه=من قديم وانا نوطـي كـل عايـل
وبإحدى السنين غار جيشً من احد القبايل المجاوره على الغييثات -وكانوا متجاورين هم وأيا الخييلات - وأقفوا بأبلهم وذلك بغيبا هل البل ولحقت بفزعه الخييلات وتواجهوا هم والقوم وحدثت بينهم معركه قُتل فيها عقيدهم قحيفان العجمي وأسترداوا الخييلات ابل بنى عمومتهم وقال فيها أحد فرسان هذه الهيه
صاح المصيح في طويل ومـا بـان=وارخصنـا الـروح وداع معبودهـا
أقفت هجيجٍ تشعاها خيـل العجمـان=والنهيري مع أول البل فوق قعودهـا
ولحقناهم على سبعٍ سابعهن عبيـان=سبع مهار حوض المنايـا اورودهـا
وردناهـن لعيـون سحـاب الأردان=لعيون الطموح اللي ضافيات اجعودها
وعنـد المغاتيـر يعنيكـم بقحيفـان=يبـي الفيـد وفـاده فيـاد افهدوهـا
تحاولوه عيـال مرخيـن الارسـان=اللي الظفر مرثـه آباهـم لجدودهـا
تقافت الخيل يوم سمعت عزوة مشعان=وكل خلوج عودت تـدور مفرودهـا
وحنا هل الشرفا إلـي ثـور الدخـان=خيالنـا فـي القـا يسنـد سنودهـا
مخانيز الرماح لابدى الشان بالشـان=حتى دولـة الـروم ذبحنـا جنودهـا
وبوقعه مقاربه وعند نزول الخييلات بإحدى السنين شرقً من الخرج غار ركب جيشً لإحدى القبايل المجاوره على أبلً للفرجان وهلها غير حاضرين ولحقهم الفزاعه من الخييلات وحدثت بين الطرفين وقعه أنتصر فيها الخييلات وفقوا ابل الفرجان ودبروا بالقوم فتمثّل الفارس حليس بن هجاج الخييلي بهذه القصيده يذكر ماحدث فيقول :
كـم عقيـدن ماخذينـاه غــره=سقيناه في وضح النهـار امـرار
نفسه عسيفـن طوعتهـا لابتـي=وخلوه مطروحً علـى راس زبـار
من فوق سابقه عكرز على وجهه=ومن فعلنـا ثوبـه غشـاه حمـار
بعلـطً نوردهـا اكبـود اعـدانـا=وحدبً تقصر في طويلين الاعمـار
لعيون من صاحت في صلب جدها=ومن شالت من بيض الخدود اخمار
لعيون فطـس الخشـوم الشمـخ=كم راس باغً مـن كتوفـه طـار
ردينـا للفرجـان تسعيـن ناقـه=سودن لها عنـد الرجـال وقـار
وخذنا القلايع مـن نـوادر ربعـه=وعوّد ماكنـه فـي نهـاره غـار
لاد الخييلي مـن سلايـل تغلـب=وانا احمد الله مالنا عندهـم ثـار
ومن القصص التاريخيه في ماضي القبيله انه بإحدى السنين قام مانع ابن حثلين بقول كلمةً خامله بحق الخييلات من باب إستنقاصهم ومتبجحً بناقته ( زباره ) المشهوره عن العرب على وقتها بأنها كانت تطرد القيمان من المراح عند مايجون يحوفون البل ,وعندما وصل الخييلات الخبر بكلمه ابن حثلين الخامله في حقهم ركب جيشً منهم متجهين صوبه وغاروا على ابله وأقفوا بها ومن ضمنها ناقته زباره اللى كانت حايل ولم تلقح الا عندما درجت عند الخييلات , وقال الشاعر مسفر بن منصور العمور هذي القصيده يثني على فعل الخييلات ويقول :
قال الصبي العمري بيوتً زينه =قوارعً في خاطري مختارها
نحستها من ضامري ونقدتها = نقد الدراهم في يدى تجارها
أغـراك فينا طيبنا يامانع = يوم انك تتبعنا كما طرارها
تسب الخييلي والخييلي شيخنا = وافي الشبور ومكرمت خطارها
كم هجمتً لاد الخييلي شعوها = جتنا ولاعندك كون أثارها
منها زباره فطارك مسميه = جتنا تقنزع نايفً بعشارها
نقربها الضيفان في ليل القسا = مناب مثلك محتسينً خطارها
ومن معارك الخييلات الشهيره في تاريخها الزاخر بالملاحم البطوليه , معركه ( مصلّخ ) او كما يُعرف عند البعض بمعركه الشيوخ , وهي عندما غارت أحد القبائل المجاوره للخيلات بأيام العيد على حلال الخييلات , وكانوا القوم الغازين بقياده ثلاثه عقداء وهذا دلاله على كثره الجيش , المهم لحقهم اهل الحلال عند جال مصّلخ وحدثت معركه كبيره قُتل بها عقداء القوم الثلاثه بالاضافه الى اربعه من كبار القوم فسمّيت بمعركه الشيوخ لكثره من قُتل من كبار القوم وقيل فيها العديد من القصايد منها قول شاعرهم
جونا الجبلان يبغون حسكـات الوبـر=واستبقناهم بصمـعٍ يقصـن العظـام
شيخنا يقدع شبا الجمع لا ثار القهـر=وشيخهم من ضربنا طايح ٍ ما عاد قام
دبروا ربعـي بربعـه يـوم الله ومـر=مثل بن ضلفان يوم ضحيبه شمام
ضربنا في الراس ولا مع حبل الظهـر=من سلم منهم فغاشيه من شيخه مـلام
لحتزمنا ثم مشينـا بسبـرات النظـر=تقطع العشيق من شوف مردوع الوشام
ومن ضمن المعارك والوقعات التي عُرفت في تاريخ الخييلات ماتُسمى بوقعه الإرطاويه نسبه الى عد الارطاويه إحدى عدود وموارد قبيله مطيرحيث حدثت معركه بين ركب جيشً للخييلات مع جيش من قبيله مطير يفوقهم بالعدد كثيراً وإستطاعوا الخييلات ببسالة حمايه جيشهم وركايبهم بعد خلفّوا جيش مطير كثيراً من الخساير بعقر العديد من ركايبهم وقيل فيها
يا الله يامدبر صليفـات الهبايـب = اللي لا جاء الدرك عبـدك تنجيـه
جتنا جموع ٍ تحط الغمـر شايـب = يدعون بالمنع وانـا مـا نطريـه
غاروا على الجيش يبغونه نهايب = بالموقـف العسـر والله مانخليـه
لعيون غرو ٍ نقض سمر الذوايب =لا اشتب سو البلى وانا نصاليـه
حولوا عيال الدهش خلاف الركايب =كم واحد نطرده من شوف غاليـه
لاد الخييلي عند تالـي الركايـب= لا زرفـل الجيـش اثقلنا تاليـه
يوم الفشق عندهن جاله عطايـب = كلن يدور له ملجى يلتجـي فيـه
ارواحنا من دون واجبنا جلايـب = يوم الردي شاح ٍ براسه ويغليـه
لاد الخييلي عيوا علـى الركايـب = وارواحنا نبيعها والموت نشريـه
وايضاً ومن ضمن الإحداث التاريخيه لقبيله الخييلات مغزى ابن شريم , ففي سنةً من السنين غزى جيشً من قبيله ال مره على راس طالب ابن شريم ومعهم ركبً من قبيله زعب بقياده فيصل ابن سحوب وغاروا على أبل الخييلات فتواجهوا هم وأيا الخييلات عند البل وحدثت بينهم معركه شديده أنتهت بإنتصار الخييلات وإنهزام القوم الغازين من أرض المعركه وكاد يُقتل بها طالب ابن شريم على يد أحد فرسان الخييلات وقيل فيها قصيده لم يُحفظ منها سواء هذه الابيات :
حنا هل الشرفاء سعد كل مشعافـي = فرسان صفرً حنجها صوب مقهورها
ترعى الوسامي في ذرانـا وضفنـا = يامن بنا الخايف مدارق أشرورهـا
وللخيل مرخيـن المصـارع ربعـي= محذات المواطي مـرجٍ أضهورهـا
عليها من مخانيز الرمـاح سربـه=تداقـر الهيجـا مـدارع أنحورهـا
ون ركبو العيط ً طويـل ً عاصـف =هلو حصاها مـن عوالـي قورهـا
( أعلام القبيله وفرسانها )
سأذكر في هذه الجزئيه نبذه بسيطه عن بعض أشهر فريس الخييلات
وأعلامها وذلك من باب العرض وليس الحصر وإلا فيصعب حصر وتوثيق جميع فرسان ورجال القبيله الذين سجلوا أفعال بطوليه في صفحات التاريخ وهؤلاء بعض ماتم جمعه :
الشيخ / محمد بن جريس العضادين ( أول من اعتزى بالشرفا ) وقصتها عندما غارت احد القبايل على ابلً للدواسر وهي الشرف فلحقت بفزعه الخييلات وكان عقيدهم محمد بن جريس فلما تواجهوا مع القوم أعتزى (خيلا الشرفا محمد ) لإثاره الحماس لمن معه وقاموا بهزيمتهم وإسترداد الشرف وهي الان عزوة الخييلات الى يومنا هذا
-الشيخ / فلاح بن جريس العضادين ( اخو محمد بن جريس الشقيق )
-الشيخ \ مدعث فلاح بن جريس العضادين , كان شيخ الخييلات
بوقته قائدهم في العديد من معاركهم ومغازيهم
-العقيد \ مطلق ابن جريس , له العديد من أفعاله ومواقفه البطولية الشهيره , منها قيادته لقبيلته في معركة مصلخ
-العقيد / سفر بن عبيد الخماسين وعزوته راعي العشواء انا اخو فرجه ومشهور بلقب ( سفيران) قاد قبيلته في عدد من مغازيهم من أشهرها على المناصير
- هجاج بن هجاج العضادين , ويلقب بالبواردي وهو فارس مشهور مواقفه معروفه وعديده منها عندما غارت احدى القبائل ( العجمان ) على ابل الدواسر فلحقوا الخييلات الغزاه وكان لهجاج موقف بطولي عندما حوّل بعقيدهم من فوق فرسه واسمه قحيفان فصاح لهجاج قائلاً : هجاج ياطيب المعرفه ( وهذا يدل على شهره هجاج البطوليه ) فرد عليه : مهوب ذا اليوم وضربه بالسيف فأرداه قتيلاً ومواقفه كثيره منها عندما غارت القبيله على إحدى القبائل المجاوره ولحقهم جموع عظيمه فكــان له موقف بطولي وإستبسال شجاع حيث حمى تالي الجيش عقر الكثير من جيش وخيل القوم وقال يصف ذلك الموقف
لاد الخييلي عند تالـي الركايـب = لا زرفـل الجيـش اثقلنـا تاليـه
يوم الفشق عندهن جاله عطايـب = وكلن يدور ملجـى يلتجـي فيـه
ارواحنا من دون واجبنا جلايـب = يوم الردي شاحً براسـه ويغليـه
لاد الخييلي عيوا علـى الركايـب=وارواحنا نبيعها والموت نشريـه
العقيد \ مقحم بن مطلق ال حجاج , عقيد الخييلات قبل أماره ال جريس ,, وله العديد من القصص البطوليه لعل من أبرزها عندما غارت قبيله عتيبه بقياده ابن ربيعان على الخييلات , فكان هو عقيدهم في الوقعه ومواجهه القوم حتى أدبرو بها منهزمين , وقال فيها ابن ربيعان :
ياسابقي تستاهلين البريره = لاجا نهارن مثل يوم الخييلات
قومً ترد المنكسر للمغيره = وتحط بوجيه المناعير شارات
من فعلهم قامت تعبر امنيره = ليت الغزيه يايبه مابعد جات
- حليس هجاج العضادين , فارس لايُشق له غبار له العديد من المواقف والافعال البطوليه
- طليفيح بن هادي العضادين , و من مواقفه موقفه البطولي ضد طالب ابن شريم من شيوخ قبيله ال مره وعند مالتقى هو وطالب بن شريم الذي هرب من مواجهته بعد ان كاد ان يقتله قال فيه رجال من قبيله قحطان عندما أثناء على الخييلات بعد قصرته عندهم
ثم خص ابو هادي شغموم الا لادي =راعي جوادً نهار الكـون يتعبهـا
-مشعان بن مصيريع العضادين , أحد فرسان القبيله وله فعل في إحد المعارك عندمما غارت قبيله العجمان على ابل الدواسر وقيل فيه
تقافت الخيل يوم سمعت عزوه مشعان = وكل خلوجً عودت تـدور مفرودهـا
وكذلك فعله البطولي عندما غزى ابن شريم على ابل الخييلات
دواس بن مدوس بن جخدب الخماسين.
هادي بن فالح آل ابو ونا الخماسين - وعزوته راعي البرصا هادي -وهو صاحب المقوله الشهيرة (الموت ولا البلاسة ) وقصته أنه كان قد قام بعدت عزوات على قبيلة سبيع وكان وقعه مؤثر فيهم وهي مع بداية اكتمال حكم الملك عبدالعزيز وقد قام السبعان بارسال وفد لشكوي عليه عند الملك فقال الملك والله مافيكم خير رجل واحد لم تقدروا عليه فامر بالخفر اي القبض عليه ومصادرة حلاله فلما اتوبه عند عبدالعزيز اخذوا يعذبونه ويضربونه بشدة وقالو له ليس صحيحا بانك وحدك ياهادي اعترف على من كان معك فقال (الموت ولا البلاسة) على مسمع من الملك عبدالعزيز فاعجب في مقولته وامر باطلاق سراحة وهي مقوله تردد حتى يومنا هذا في مجالس آل سعود وعامة الناس
- عبدالله بن حمدان الخماسين ( راعي السودا) وقصصه شهيره , وله موضوع مستقل .
- فالح بن عقاب آل ونا الخماسين وعزوته راعي الحجبا وانا اخو ثنوا وقد كان له قصة مشهورة عندما غزا الدويش على ابل احد السفارين وقام بلحقه هو وفارس السفارين المشهور فالح بن حرقان وسميت فزعة الفالحين نسبة لاسمائهم وهو عندما استردو الابل قام باللحاق بالدويش الا ان احد اصدقاءه وهو صحن بن الجبعاء الدويش كان ياتي بين بن ونا وبين الدويش حتى لا ينازله وقال الدويش بعد ان عاد لاهله ( ياظفر الرجال ضفراه مايبا صحن يباني )
محمد بن معجب العضادين: بالاضافه الى شهرته بالكرم وكان مضرب مثل في ذلك فكان فارس شــجاع ومزبّن للجناه له قصائد عديده في كرمه وشجاعته من قصائده يبين فيها كرمه منها قوله :
تفرح بنا هجنً داميات الخفافـي =انقلط لها الترحاب والجانب الزين
لاعاد ولد الاش ماهـو يشافـي=لاكرم دور السنه حـط مديـن
يذل على مالـه يجيلـه خلافـي=حساب ربحه جعلـه الله للبيـن
وكذلك عندما كثرت لدى ابن سعود الشكاوي على ابن معجب كون محله كان مزبن للجناه والمطلوبين لدى ابن سعود فأمر بسريه تقبض عليه وتشحم نخله ( هذا عندما كان نازل بالقرب من الافلاج ) فلما علم بالخبر تجهز لها ومن معه فوقف دونها موقف بطــولي وإستبسال حتى عادت السريه مهزومه ومما قال فيها
يرسخ بنا غرسً يقطـع مـراره=كسبً لنا والا فلا اضحي ولا ابيع
من ذل دون الغرس تصلاه ناره= يعدا من الدسمه ويعطى الكراميع
- ساجي بن معجب العضادين , فارس شجاع له موقف ومشاركه في معركه الابرق ضد العجمان عندما غاروا على ابل القبيله وقال فيها
صاح صيـاحً والعـج ثايـر=نعم ياللى باللقـا حاضريـن
يوم جا عند الابـرق حشايـر=كـل ظفـرً بالملاقـا يبيـن
لا لحقنا عند تالـي العشايـر=مرخصين الروح والله المعين
يوم ابو ليل على الجيش غاير=غار واصبح عقب كونه حزين
دبرت خيلهم وراحت كسايـر=وردينا المركى مـع الاوليـن
مشبب بن راشد العضادين , له مواقف كثيره أحدها عندما غزت أحدى القبائل على الخييلات في غياب رجال القبيله فركب جواده ولحق بالقوم وفعل فعلاً بطولي وقامبإسترجاع الكثير من الابل اما بقيه الحلال فقد تم إسترجاعه بفزعه المصارير والغييثات وقيل فيه:
نعم بمشبب خيال العشايـر بالزحـام =راعي الطولات والطيب فعله من سنين
رد ذيدان الخييلات بضـربً اللحـام=فارسً منا يسوى من القـوم اربعيـن
سعود بن حمدان الخماسين - لقب بمكال حمامته أو خلاصته وهو من جندل الشيخ بن شريم المري عن ظهر فرسه ( العبيه) فكسبها وهي عزوة آل حمدان الكرام حتى وقتنا هذا .عزوته خيال العبية انا اخو دفنا .
عبيد بن مصلح ال طينان , ويلقبونه بأبا الروس لانه في أحد المعارك ضد قبيله الظفير على ماأعتقد جندل الكثير من فرسان القبيله الاخرى بالضرب على الرأس فأشتهر بضربته القاتله
عبدالله بن ثلاب ال طينان , ويُلقب بـ (ابو عبد) لانه شديد السمره كان فارسً ذائع الصيت في وقته .
عبدالله بن جارالله ال طينان ( راعي الهدلا) وله قصه تبين فروسيته وشجاعته مع ال العرجاء عندما كان جار عندهم فغار عليهم أحد القبايل فكان هو مع مقدمه الفرسان في إسترداد الابل من الغزاه
دخيل بن عبدالله ال طينان ,رجل شجـاع ضخم البنيه وفي وقعه مصلخ من فريس الخييلات المشهورين .
مدعث بن رشدان ال طينان ويلقب ب(الحايف ) كونه يحوف القبائل لوحده وهو رجل ضخم البنيه كانت له العديد من القصص البطوليه مع الفارس دخيل بن عبدالله وهو أحد فرسان الخييلات في معركه مصلّخ الشهيره .
ثليب بن عمران ال طينان -ر اعي العرفا - له موقف بطولي هو والفارس خزيّم ابن كميخ عندما قام بإسترداد أبل القبيله عندما غارت عليهم قبيله اسبيع ليلاً فلمّا أصبحوا ركب وهو الفارس خزيم لاحقين بالقوم وأستطاعوا فك أبلهم وغنموا ابل سبيع ( العرف ) فأصبحت عزوته خيال العرفا ثليب , وكذلك الفارس خزيم عُرف بعدها بـ راعي العرفا.
خزيم بن وافي بن كميخ ال طينان -راعي العرفا - وكلاهما يعتزون بالعرفا لنفس الموقف والفعل السابق المذكور أعلاه
فهيد ابن كهف , أحد أبرز فريس الخييلات المشهورين وله العديد من المأثر في معارك القبيله .
ماجد ابن مصلح ال طينان , من فرسان القبيله المشهورين المعروفه أفعاله وذكره لدى الجميع وله موقف بطولي هو وفهيد بن كهف .
حزام بن نادر بن مقحم ال حجاج , فارس مشهور بأفعاله وهو من أحد فريس الخييلات بوقعه مصّلخ الشهيره
- الفارس محمد بن علوش العضادين , أحد فريس القبيله المشهورين
سعود بن مصلح ال طينان ويلقب بـ ( راعي رقيط ) من إحدى مواقفه عندما غزت قبيله ال مره على ابل الدواسر فكان هو في مقدمه الفرسان في لحاق القوم وكان على حصان في رقبته رقاط ( بياض) فقال أحدهم : جوكم الدواسر على البقر وقال احد الشعراء فيها
يوم المري قال لحقوا على البقر=ماعاد حق الشوف شاف الهوايل
وقيان بن سعد بن مصلح ( اخو سعود ) من فرسان القبيله البارزين , وله موقف مشهود عندما اهداء الى ابن صباح - حاكم الكويت -حصان له وذلك ليشفع لرجالً من الخييلات مسجونين عند ابن صباح بسبب غارتهم على حلال لإحدى القبائل التي كانت بحدود الكويت .
ناصر بن علوش العضادين , له موقف بطولي في أحد مغازي القبيله حيث أستبسل بموقف نادر في مواجهه جيش بكامله وقال كلمته الشهير عندما طلب أحد من معه المجى والعوده قال ( مامعي الا راسي ومالي به ) أي اني بمثل هالمواقف لايكون للروح أي قيمه وقالها بقصد إثاره من معه لكي يعودوا لمواجهه القوم وقُتل في نفس المعركه بعد موقفه البطولي وبنهايه كنهايه الابطال الافذاذ وقيل فيها
الله من يومً جرى لابـن علـوش =يوم عكرز على وجهه ولاعاد قامي
يوم الركايب بين كالش ومكلـوش=لاد مخيـولً مايلحقهـم مـلامـي
حسين بن ظاهر العضادين , فارس له موقف في إحدى المعارك مع مطير
ناصر بن نضاد العضادين ( حامل البيرق في وقعه مصلّخ )
فالح بن مشبب بن حزام العضادين فارس شجاع له فعل بطولي في احد مغازي القبيله على عتيبه .
عبدالله ابن عجلان العضادين , مشهور بالشــجاعه والإقدام قال في موقعه مصّلخ التي كان هو أحد فرسانها
يوم بن( حزّام) ظهر من هدومه=كل مدغـوش جذبـه الصيـاح
نحمـد الله لابتـي فـي اللقـا=مثل ابو عبد وشـروى ابـداح
شوف عينـي ناصـر باللقـا=يوم بين البيرق نهار الصبـاح
ابن شبـلان أكلتـه الضرايـا=زقفه مطلـق برمحـه وطـاح
داهم بن نابي ال طينان : فارس شجــاع صاحب مواقف بطوليه ,واُشتهر بكلمه قائلها في إحدى معارك القبيله ( يابرد رصاصهم برداه ) قالها عندما حمي الوطيس فأصبح يردد هالكلمه ليُثير همم من معه ومن قصصه أنه أصيب بأحد معارك القبيله إصابه أظهرت أمعاءه فشدها بحزامه ,, وأخذ يقاتل بساحه المعركه ويعتزي لإيُثير هممهم وواصل قتاله حتى سقط صريعاً .
سعود بن بجران ال طينان , من فريس الخييلات المشهورين له فعلً بارز في إحدى معارك القبيله .
دبلان بن مذخر بن كميّخ ال طينان أيضاً من فريس الخييلات المعروفين .
محمد بن حزام الخماسين , فارس مشهور واشتهر بموقفه في وقعه مصلّخ
يوم ابن حزام يظهر من هدومه=وكل مدغوشً جذبـه الصيـاح
فهد بن سليم الخماسين - وعزوته خيال الشرفا فهد - وهو من كبار الخييلات في موقعة مصلخ وابلا بلاءا حسنا في تلك الموقعه المشهورة بوقعة الشيوخ.
هديبان بن علوش العضادين -وهو حامل الراية في كثير من الحروب
منصور بن سعود بن حمدان الخماسين وعزوته - خيال العبيه وانا اخو دفنا -وهو احد الفرسان الذين شاركو في الفتوحات السعودية لتوحيد المملكة تحت قيادة الملك سعود رحمه الله وآخرها فتح نجران .
سعد بن عريج آل حجاج ( الداهيه) وعزوته خيال الشرفا انا اخو هيا
محمد بن ردهان آل حجاج وعزوته خيال الشرفا وانا محمد وله مأثر كثيره ومن أبرز فرسان القبيله
ناصر بن ردهان ال حجاج , خيال شجاع له إحدى المواقف البطوليه بإحدى معارك القبيله عندما سقط أحد فرسان القبيله مقتولاً فقــام بحمله وإردافه معه على فرسه وهم بأرض المعركه
بداح ال حجاج ( جد ال طامي ) أحد فرسان القبيله المشاركين بوقعه الشيوخ قال فيه الشاعر بهذه الوقعه مفتخراُ به
احمـد الله لابتـي باللـقـا=مثل ابو عبد وشروى (بداح)
محمد فهاد ابن ثليب ال طينان ,,, أحد رجال الملك عبدالعزيز في دخوله للحساء سنه 1330 تقريباً وأبلاء فيها بلاً حسنا وكان له فعلً
بطولي في هذه المعركة .
عبدالله بن سعود ابن مصلح ال طينان ( راعي المذهبه ) له فعل بطولي بوقعه العيينه عندما كسب ( مذهبه) وهي بندق ابن جلوي وشارك في حرب نجران .
سعد بن عبلان الخماسين - وهو القائد في معركة الثأر لأبيه عبلان ضد الهواجر وهي جمع من الخييلات ومن معهم من حلفاهم وكانت عزاوي القوم في تلك الموقعة(( عبلان ياثاير))
سالم بن فهد بن سليم الخماسين /راعي الشرفا بن فهد - وقد ابلى بلاءا حسنا في حرب الاحساء وقتل فيها
منصور بن فراج بن جخدب الخماسين- الملقب بضبعان-راعي العشوا ابو جهير
أماره القبيله : أماره قبيله الخييلات هي عند أسره ( ال جريس ) الكرام من فخذ العضادين وأول من تولى مشيخه بهم هو الشيخ محمد بن جريس
وتسلسلها الى يومنا هذا كــ تالي :
- الشيخ محمد بن جريس
- الشيخ فلاح بن جريس
-الشيخ مدعث بن فلاح بن جريس
- الشيخ نايف بن مدعث ابن جريس
-الشيخ زيد بن مدعث ابن جريس
-الشيخ محمد بن زيد ابن جريس
شجــره القبيله
أولا: العضادين :
1- ال حسين وهم :
أ- حسن وهم: المصاريع
ب-ال غثيث وهم : ال سيف - ال شايع - ال راشد - حسين( ال حمود و ال فدعوس وال جريس )
وال جريس ( ال فلاح - وفيهم الاماره - وال سلطان ) وال فدعوس ( ال طواري - ال شامان)
2- ال حسن : ربيع ( ال دغش)
3 - ال حريميص وهم :
أ- ال حصين وهم : ال علوش - ال وسمي - ال نضاد - ال شداد - ال هديبان.
ب-ال حمدان وهم : ال مفلح - ال فراج - ال عجلان
ال معجب -ال مترك - ال ظاهر.
ثانياً : الخماسين :
1- ال بريك وهم : ال سليم - ال غنام - ال عبلان
2- ال صمعان وهم : ال سفر - ال فايز - ال بو ونا - ال حمدان
3- ال يحيى : ال دواس - ال جخدب - ال منصور - ال عبيد
ثالثاً : ال طينان وهم
1- ال عمران وهم : صالح ( ال وسام ) - ال مصلح - ثلاب ( ال جار الله ) - ال ثليب
2- ال وقيت : ال فيصل - ال داهم
3- ال كميخ وهم : منصور ( ال ابا الخيل - ال رشدان) - مبارك ( ال بجران - ال وافي )
رابعاً : ال حجاج
1- فليح : ( ال ردهان )
2- فايز : ال جخير - ال مطرف - ال طامي - ال عضيب - ال عبيدان - ال رفيع - ال سعود - ال راشد - ال عبيد
3-علي : مبارك وهم ( ال حويل - ال فالح - ال صقر- الهذالا - ال عفاس - ال هيف
و مطلق ( ال جاسر -ال مقحم ) وسعيد ( ال خلف )
و ردعان وهم ال بجاد
وبالختام كل جُهد معرض للخطاء والسهو فأن أصبت فمن الله وأن أخطئت فمن نفسي والشيطان , وأتمنى أني وفقت في هذا الموضوع في التعريف البسيط والصوره عن قبيله الخييلات بذكر ألقابها ونبذه عن تاريخها وأعلامها ونسبها ,وان يحوز على رضا القارئ , وصلى الله على نبينا محمد وعلى آله وصحبه أجمعين
وخالص التقدير والإحترام
قبيله الخييلات
نسب القبيله : يرجع نسب قبيله الخييلات الى عبدالله ابن الاخيل بن محمد بن عمر التغلبي. إحدى قبائل الدواسر , قال عنها المؤلف بادي فيحان الدوسري في كتابه قبيله الدواسر (( تعد قبيله الخييلات جمرة قبيله تغلب وكانت من أقوى بطون الدواسر ولهم معظم آبار باديه الدواسر )) أنتهى
أقسام القبيله : تنقسم الخييلات الى اربعه افخاذ وهم ال طينان وال حجاج ( الدلاهمه ) والعضادين والخماسين ( عيال منصور )
مساكن القبيله :
كانت قبيله الخييلات سابقاً تسكن الهضب غرب الوادي وحيثوا كانوا باديه رحّل فكانت لهم مفالي ابلهم وعدود موارد لها من أشهرها بالهضب الجخجوخ وثريا ثم رحلت القبيله من الوادي الى شمال شرق نجد بالدهناء والصمان بحثاً وطلباً للرعي متجاورين ونازلين بين القبايل وهناك قول اخر بأنهم رحلوا من الوادي حقناً للدماء بعد حروب وفتن طويله
بين قبيله الدواسر والله أعلم ,وكانواحامين لحدهم وحلالهم بسنان ارماحهم فكانوا باديه رحّل يتبعون مساقط المطر والرعي . يقول الشاعر
ترعي الوسامي في ذرانـا وضفنـا=يامن بنا الخايف مدارق أشرورهـا
وبحكم كون الخييلات مجاورين لقبائل اخرى كالعجمان ومطير فمن الطبيعي ان تحدث غارت بين الطرفين ولم يكن دور الخييلات في هذه الوقعات دفاعياً او حمايه بل لها العديد من الغارات والمغازي على القبايل الاخرى يقول الشاعر
كم هجمتً لاد الخييلي شعوها = = جتنا ولاعندك كون اثارها
ألقاب القبيله
1- مخانيز الرماح:
كنايه عن شده ضربهم أي بأن الرمح يخنز بالعظم او يخنز به الدم والبعض يطلق لقب مخاريز الرماح والاصح مخانيز الرماح وهناك عده روايات في سبب إطلاق هذا اللقب منها انه بعد معركه الخييلات مع الترك بالهضب وان الخييلات كانوا يضربونهم بالرماح والشلف ثم يخرجونها من قتلاهم ويعاودون القتال والحرب بها فبقى فيها اثار الدماء وغيرها برماحهم فأطلق عليهم, أما الروايه الاخرى فتحكي بأنه عندما كانوا الخييلات بالوادي كان الدواسر بأحد السنين ( مجنين ) أحد قبائل قحطان بسبب حروب بينهم فنزلوا على الخييلات بالهضب فنزّلوهم الخييلات , فأغضب ذلك الدواسر فأجتمعوا كبارهم ودعوا الخييلات الى الإجتماع فلما حضر رجال الخييلات وكان كل واحد منهم حاملاً رمحه وكانت رائحتها كريهه بسبب ضرب ثنادي الرجال بالمعارك فطلب أحد الجالسين إخراج رماحهم بسبب رائحتها فقال أحد الخييلات غاضباً : لولا خنيز أرماحنا مانّزل بساحنا, أي لولا هذه الرماح ماأستطعنا حمايه من نزلوا عندنا وهم مجّنين فأصبحوا يُلقبون بمخانيز الرماح ,, وبالنهايه هي كنايه عن شجاعتهم وانهم اهل شجاعه بالحروب والله أعلم.
قال الشاعر
مخانيز الرماح لابدى الشأن بالشان = حتى دوله الروم ذبحنا جنودها
ويقول الاخر
عليها من مخانيز الرماح سربه = تداقر الهيجا مدارع نحورها
2- هل الشرفا :
وهي عزوه ابناء القبيله عامه , والشرف هي ابل لإحدى قبائل الدواسر وفي أحد السنين غارت احدى القبائل على ابلهم الشرف فتم إستردادها على ايدي قبيله الخييلات فأصبحت عزوه الخييلات خيالة الشرفا ويقول الشاعر :
ربعي (هل الشرفا) رجال المواجيب= عوق الخصيـم وطيبهـم للعوانـي
وكذلك يقول الاخر:
حنا هل الشرفا سعد كل مشعافي = فرسان صفرٍ حنجها صوب مقهورها
3-مسامير الاشده:
وهو لقب للخماسين من الخييلات
( الشجاعه بالحروب)
عُرفت الخييلات قبيلةً عزيزه الجانب أبيّه ,لاترضى بالهون والضيم سطر أبناءها بدماءهم أمجاد القبيله و لها العديد من المعارك والانتصارات وهناك مواضيع مستقله تطرقت لها فبرزوا بين القبائل وإشتهروا بالقوه وبأسهم
على الإعداء وشجاعه فرسانهم وذيع صيتهم في انحاء الجزيره فهذا احد فرسانهم يقول واصفاً قبيلته وأفعالهم البطوليه :
كم عقيدً ماخذيناه غره = سقيناه في وضح النهار امرار
نفسه عسيفن طوعتها لابتي = وخلوه مطروحً برأس زبار
بعلط نوردها اكبود أعدانا = وحدبً تقصر في طويلين الاعمار
وكذلك قول شاعرهم
خياله الشرفا مجريت كل هايب == وقودً للحرب لاشتب صاليه
ويقول الشاعر مسعود المقابله
ويجيك من صوب الخييلات لابه = هل فزعهً كلً يحسّب حسابها
يردون حوض الموت لغلي سوقه= وخيالهم جيش الاعادي سطابها
وكذلك قول أحد شعارهم مفتخراً بإمجاد قبيلته
وانا لي ربوع ً في القسا يكسبون الطيب=فعايل بني عمي مـع النـاس مخبـوره
الاد (الخييلي) لابتـي محتميـن النيـب=تواريخهم في صحفة المجـد منشـوره
اليا جاء نهارً فيه راس الرضيع يشيـب=لهم وقفة ٍ عنـد الحنازيـب مخبـوره
كم شيخ قـومٍ حولوبـه عشـا للذيـب=وعاف الطمع من يوم شالوه عن كوره
(الخييلات وإكرام الجار )
عُرفوا الخييلات بحمايه الجار وحشمته كعاده عربيه أصيله وكـ سلم لقبيله الدواسر عامة , بل وكعُرفً لدى قبائل العرب منذ الجاهليه , فدائماً
ماكان يتفاجر رجال القبائل ويعدون من ضمن مفاخرهم إكرامهم للجار وحمايته , وأنه بينهم عزيز المقام له التقدير والإحترام من جميع رجال القبيله وأيً مساس لإكرامته يعدونه إهانه للقبيله وهم مطالبين برد إعتباره وإلا سيبقى ذلك نقطةسوداء تُنتقص القبيله بسببه , وقبيله الخييلات دائماً ماأُثني عليها بإكرامها للجار وحشمته وتقديره بينهم فهم
يحشمون جارهم ويأخذون بحقه , والجار لديهم يعد نفسه منهم من شده
تقديرهم له ,فهذا رجل من قبيله قحطان نزل بجاور الخييلات فتره طويله يُقال انها عشرين سنه فلماعاد الى قبيلته تذكر طيب جيره الخييلات وحشمتهم له فلم يطق صبرً الا بالعوده اليهم فقال
قصيده منها هذه الابيات :
صنهات مندوبي من فوق منجوبي == تجفل اليا حرك العرقوب راكبها
تلفي هل الوادي شعوان الالادي == حمايه الدار اليا خليت جوانبها
تلفي الخييلاتي لطامه العاتي == السربه اللى شبوب الحرب تعجبها
ذباحه الحايل فالعدل والمايل == وقصيرهم ضارن على الكرمه يناهبها
ويقول أحد شعّار الخييلات في قصيده له
خياله الشرفا لو كثرت الاطراف = دكاكه العدوان لوهم قبايل
قصيرنا يمسي ولا عنده اخلاف = يسعد بجيرتنا عسى النذل ذايل
ويقول الشاعرمحمد بن الشرع العمور :
ومنّا خييلاتً بهم ضرب الامثال = = بالجود والعزه وللجار تحماه
خياله الشرفا آلاد الخييلي =لامن رسى مدحي عل باب مرساه
(إكرام الضيف )
قبيله الخييلات كغيرها من القبايل العزيزه عُرفت بالكرم وإكرام الضيوف هذه العاده التي يتفاخر بها العرب بالجاهليه وبالاسلام , فعندما تُذكر مكارم الرجال والقبائل تُذكر صفه الكرم من أوائل الصفات والمفاخر التي يُتفاخر بها وهي من الامور التي أوصى بها الإسلام وحث عليها , وكثيراً ماأثُني على الخييلات ورجالها بالكرم وكثيراً ماتفاخر رجالها بصفه الكرم , هذه الصفه الحميده من صفات العرب فيقول محمد ابن معجب الخييلي واصفاً طيب قبيلته وإكرامهم للضيوف وعادت الكرم
لديهم فيقول :
تفرح بنا هجنً داميات الخفافي = =انقلط لها الترحاب والجانب الزين
لاعاد ولد الاش ماهـو يشافـي=لاكرم دور السنه حـط مديـن
يذل على مالـه يجيلـه خلافـي=حساب ربحه جعلـه الله للبيـن
ويقول الاخر
تلفي الخييلاتي لطامه العاتي = السربه اللى شبوب الحرب تعجبها
ذباحه الحايل فالعدل والمايل = وقصيرهم ضاريً على الكرمه يناهبها
ويقول الشاعر محمد مبارك الصخيبري
وفي المدح نحسب للخييلات حسبان= اهـل الكـرم واهـل الـدلال المباهيـر
ويقول الشاعر مشير بن سيف الخييلي
هذا فعل ربعي والكلام المصيب مصيـب=شيوخ القبايل تثبـت العلـم بعصـوره
وذباحـة ٍ للحيـل للضيـف والطنيـب=كبار الصحون اللي على الدوم مجروره
وأهل دلةٍ صفراء على النـار لشريـب=اهل هيل والبن الخضر مالهـا جـوره
(( معارك القبيلة وحروبهم ))
من الصعب حصر معارك الخييلات وإنتصارتهم في سطور بسيطة وذلك لما يحمل تاريخ هذه القبيله من تاريخ زاخر بالامجـاد والبطولات كبيرة فهذا أحد شيوخ قبيله عتيبة مشاري ابن ربيعان يُثني على فرسه بعد أن أنجته من الموت عندما غار على قبيله الخييلات ثم وصف افعال الخييلات فيقول :
ياسابقي تستاهلين البريره = لاجا نهارً مثل يوم الخييلات
قومً ترد المنكسر للمغيره = وتحط في وجيه المناعير شارات
ولعل أبرز معارك قبيله الخييلات قبل رحيلهم من الوادي هي المعركه الواقعه بمنطقة الهضب عندما توجهت إحدى كتائب القوات التركيه لمنطقه الهضب بقيادة القائد عثمان باشا بقصد الهجوم على الخييلات وتأديب بعد قيام رجال من القبيلة بأخذ مؤن وعتاد إحد كتائبهم فلما علم بذلك رجال القبيله قاموا بوضع أبل القبيله أمامهم في ساحة المعركه وتهجيجها أمام القوات التركيه وهم من خلفها , وبالفعل حدثت معركة بينهم
قُتل بها قائد القوات التركية عثمان باشا والعديد من جنود القوات العثمانيه وكسب بها
رجال القبيله مغانم هذه القوه من عتاد وأسلحه وقيل بعد هذه المعركه :
جتنا جماهيرً تشيل المصايـب= وحنا بالله واللي بالله مايخليــه
خيالة الشرفا مجريت كل هايب= وقودً للحرب لا شتـب صاليـــــه
الحمــد لله مانــهيب الحرايـب= ذبحنا الباشه وأدواله تباريـه
سقنا عليهم البل طفاح الجنايب= ومزرج بالدم خضبه راعيـــــــه
حمر الطرابيش غدو بينا نهايب=حل المثاروكلً أجله عند واليـــه
يومً على الروم ياوالله العجايب=يشهد لنا الهضب والي نازلً فيه
وكذلك من إنتصارات قبيله الخييلات معركه الابرق وهي عندما غار ركب جيشً من إحدى القبائل على قبيلة الخييلات بمنطقه ابرق ساره وأقفوا بأبل الخييلات فلحقهم أهل الطلب وحدثت بينهم معركه أنتصر بها الخييلات نصرً ساحقاً وقيل فيها
صـاح صيـاحً والعـج ثايـر= نعـم يلـي باللقـا حاضريـن
يوم جا عند (الابرق) حشايـر=كـل ظفـر ً بالملاقـا يبـيـن
لا لحقنا عنـد تالـي العشايـر= مرخصين الروح والله المعيـن
يوم( أبو ليل) على البوش غاير=غار واصبح عقب كونه حزين
دبرت خيلهم وراحـت كسايـر= وردينا المركـى مـع الأوليـن
ومن معارك القبيله معركه اليمامه التي حدثت بين الخييلات وأهالي قريه اليمامه من ضواحي الخرج وأنتصر فيها الخييلات وقيل فيها
نافدى اللي دبروا بأهـل اليمامـه= لين راحوا عقب فزعتهم سحايـل
يوم جو بالوصف عمدان التهامـه=فالتقوهـم لابتـي والـدم سايـل
ايقنوا بالموت مـا فيهـا سلامـه =يوم جوهم غلمةٍ من صلب وايل
نافدى اللي ما تغالى الروح سامه=كل غمر ٍ شيف وقعـه بالدبايـل
ما دروا بفعولنا حضـر اليمامـه=من قديم وانا نوطـي كـل عايـل
وبإحدى السنين غار جيشً من احد القبايل المجاوره على الغييثات -وكانوا متجاورين هم وأيا الخييلات - وأقفوا بأبلهم وذلك بغيبا هل البل ولحقت بفزعه الخييلات وتواجهوا هم والقوم وحدثت بينهم معركه قُتل فيها عقيدهم قحيفان العجمي وأسترداوا الخييلات ابل بنى عمومتهم وقال فيها أحد فرسان هذه الهيه
صاح المصيح في طويل ومـا بـان=وارخصنـا الـروح وداع معبودهـا
أقفت هجيجٍ تشعاها خيـل العجمـان=والنهيري مع أول البل فوق قعودهـا
ولحقناهم على سبعٍ سابعهن عبيـان=سبع مهار حوض المنايـا اورودهـا
وردناهـن لعيـون سحـاب الأردان=لعيون الطموح اللي ضافيات اجعودها
وعنـد المغاتيـر يعنيكـم بقحيفـان=يبـي الفيـد وفـاده فيـاد افهدوهـا
تحاولوه عيـال مرخيـن الارسـان=اللي الظفر مرثـه آباهـم لجدودهـا
تقافت الخيل يوم سمعت عزوة مشعان=وكل خلوج عودت تـدور مفرودهـا
وحنا هل الشرفا إلـي ثـور الدخـان=خيالنـا فـي القـا يسنـد سنودهـا
مخانيز الرماح لابدى الشان بالشـان=حتى دولـة الـروم ذبحنـا جنودهـا
وبوقعه مقاربه وعند نزول الخييلات بإحدى السنين شرقً من الخرج غار ركب جيشً لإحدى القبايل المجاوره على أبلً للفرجان وهلها غير حاضرين ولحقهم الفزاعه من الخييلات وحدثت بين الطرفين وقعه أنتصر فيها الخييلات وفقوا ابل الفرجان ودبروا بالقوم فتمثّل الفارس حليس بن هجاج الخييلي بهذه القصيده يذكر ماحدث فيقول :
كـم عقيـدن ماخذينـاه غــره=سقيناه في وضح النهـار امـرار
نفسه عسيفـن طوعتهـا لابتـي=وخلوه مطروحً علـى راس زبـار
من فوق سابقه عكرز على وجهه=ومن فعلنـا ثوبـه غشـاه حمـار
بعلـطً نوردهـا اكبـود اعـدانـا=وحدبً تقصر في طويلين الاعمـار
لعيون من صاحت في صلب جدها=ومن شالت من بيض الخدود اخمار
لعيون فطـس الخشـوم الشمـخ=كم راس باغً مـن كتوفـه طـار
ردينـا للفرجـان تسعيـن ناقـه=سودن لها عنـد الرجـال وقـار
وخذنا القلايع مـن نـوادر ربعـه=وعوّد ماكنـه فـي نهـاره غـار
لاد الخييلي مـن سلايـل تغلـب=وانا احمد الله مالنا عندهـم ثـار
ومن القصص التاريخيه في ماضي القبيله انه بإحدى السنين قام مانع ابن حثلين بقول كلمةً خامله بحق الخييلات من باب إستنقاصهم ومتبجحً بناقته ( زباره ) المشهوره عن العرب على وقتها بأنها كانت تطرد القيمان من المراح عند مايجون يحوفون البل ,وعندما وصل الخييلات الخبر بكلمه ابن حثلين الخامله في حقهم ركب جيشً منهم متجهين صوبه وغاروا على ابله وأقفوا بها ومن ضمنها ناقته زباره اللى كانت حايل ولم تلقح الا عندما درجت عند الخييلات , وقال الشاعر مسفر بن منصور العمور هذي القصيده يثني على فعل الخييلات ويقول :
قال الصبي العمري بيوتً زينه =قوارعً في خاطري مختارها
نحستها من ضامري ونقدتها = نقد الدراهم في يدى تجارها
أغـراك فينا طيبنا يامانع = يوم انك تتبعنا كما طرارها
تسب الخييلي والخييلي شيخنا = وافي الشبور ومكرمت خطارها
كم هجمتً لاد الخييلي شعوها = جتنا ولاعندك كون أثارها
منها زباره فطارك مسميه = جتنا تقنزع نايفً بعشارها
نقربها الضيفان في ليل القسا = مناب مثلك محتسينً خطارها
ومن معارك الخييلات الشهيره في تاريخها الزاخر بالملاحم البطوليه , معركه ( مصلّخ ) او كما يُعرف عند البعض بمعركه الشيوخ , وهي عندما غارت أحد القبائل المجاوره للخيلات بأيام العيد على حلال الخييلات , وكانوا القوم الغازين بقياده ثلاثه عقداء وهذا دلاله على كثره الجيش , المهم لحقهم اهل الحلال عند جال مصّلخ وحدثت معركه كبيره قُتل بها عقداء القوم الثلاثه بالاضافه الى اربعه من كبار القوم فسمّيت بمعركه الشيوخ لكثره من قُتل من كبار القوم وقيل فيها العديد من القصايد منها قول شاعرهم
جونا الجبلان يبغون حسكـات الوبـر=واستبقناهم بصمـعٍ يقصـن العظـام
شيخنا يقدع شبا الجمع لا ثار القهـر=وشيخهم من ضربنا طايح ٍ ما عاد قام
دبروا ربعـي بربعـه يـوم الله ومـر=مثل بن ضلفان يوم ضحيبه شمام
ضربنا في الراس ولا مع حبل الظهـر=من سلم منهم فغاشيه من شيخه مـلام
لحتزمنا ثم مشينـا بسبـرات النظـر=تقطع العشيق من شوف مردوع الوشام
ومن ضمن المعارك والوقعات التي عُرفت في تاريخ الخييلات ماتُسمى بوقعه الإرطاويه نسبه الى عد الارطاويه إحدى عدود وموارد قبيله مطيرحيث حدثت معركه بين ركب جيشً للخييلات مع جيش من قبيله مطير يفوقهم بالعدد كثيراً وإستطاعوا الخييلات ببسالة حمايه جيشهم وركايبهم بعد خلفّوا جيش مطير كثيراً من الخساير بعقر العديد من ركايبهم وقيل فيها
يا الله يامدبر صليفـات الهبايـب = اللي لا جاء الدرك عبـدك تنجيـه
جتنا جموع ٍ تحط الغمـر شايـب = يدعون بالمنع وانـا مـا نطريـه
غاروا على الجيش يبغونه نهايب = بالموقـف العسـر والله مانخليـه
لعيون غرو ٍ نقض سمر الذوايب =لا اشتب سو البلى وانا نصاليـه
حولوا عيال الدهش خلاف الركايب =كم واحد نطرده من شوف غاليـه
لاد الخييلي عند تالـي الركايـب= لا زرفـل الجيـش اثقلنا تاليـه
يوم الفشق عندهن جاله عطايـب = كلن يدور له ملجى يلتجـي فيـه
ارواحنا من دون واجبنا جلايـب = يوم الردي شاح ٍ براسه ويغليـه
لاد الخييلي عيوا علـى الركايـب = وارواحنا نبيعها والموت نشريـه
وايضاً ومن ضمن الإحداث التاريخيه لقبيله الخييلات مغزى ابن شريم , ففي سنةً من السنين غزى جيشً من قبيله ال مره على راس طالب ابن شريم ومعهم ركبً من قبيله زعب بقياده فيصل ابن سحوب وغاروا على أبل الخييلات فتواجهوا هم وأيا الخييلات عند البل وحدثت بينهم معركه شديده أنتهت بإنتصار الخييلات وإنهزام القوم الغازين من أرض المعركه وكاد يُقتل بها طالب ابن شريم على يد أحد فرسان الخييلات وقيل فيها قصيده لم يُحفظ منها سواء هذه الابيات :
حنا هل الشرفاء سعد كل مشعافـي = فرسان صفرً حنجها صوب مقهورها
ترعى الوسامي في ذرانـا وضفنـا = يامن بنا الخايف مدارق أشرورهـا
وللخيل مرخيـن المصـارع ربعـي= محذات المواطي مـرجٍ أضهورهـا
عليها من مخانيز الرمـاح سربـه=تداقـر الهيجـا مـدارع أنحورهـا
ون ركبو العيط ً طويـل ً عاصـف =هلو حصاها مـن عوالـي قورهـا
( أعلام القبيله وفرسانها )
سأذكر في هذه الجزئيه نبذه بسيطه عن بعض أشهر فريس الخييلات
وأعلامها وذلك من باب العرض وليس الحصر وإلا فيصعب حصر وتوثيق جميع فرسان ورجال القبيله الذين سجلوا أفعال بطوليه في صفحات التاريخ وهؤلاء بعض ماتم جمعه :
الشيخ / محمد بن جريس العضادين ( أول من اعتزى بالشرفا ) وقصتها عندما غارت احد القبايل على ابلً للدواسر وهي الشرف فلحقت بفزعه الخييلات وكان عقيدهم محمد بن جريس فلما تواجهوا مع القوم أعتزى (خيلا الشرفا محمد ) لإثاره الحماس لمن معه وقاموا بهزيمتهم وإسترداد الشرف وهي الان عزوة الخييلات الى يومنا هذا
-الشيخ / فلاح بن جريس العضادين ( اخو محمد بن جريس الشقيق )
-الشيخ \ مدعث فلاح بن جريس العضادين , كان شيخ الخييلات
بوقته قائدهم في العديد من معاركهم ومغازيهم
-العقيد \ مطلق ابن جريس , له العديد من أفعاله ومواقفه البطولية الشهيره , منها قيادته لقبيلته في معركة مصلخ
-العقيد / سفر بن عبيد الخماسين وعزوته راعي العشواء انا اخو فرجه ومشهور بلقب ( سفيران) قاد قبيلته في عدد من مغازيهم من أشهرها على المناصير
- هجاج بن هجاج العضادين , ويلقب بالبواردي وهو فارس مشهور مواقفه معروفه وعديده منها عندما غارت احدى القبائل ( العجمان ) على ابل الدواسر فلحقوا الخييلات الغزاه وكان لهجاج موقف بطولي عندما حوّل بعقيدهم من فوق فرسه واسمه قحيفان فصاح لهجاج قائلاً : هجاج ياطيب المعرفه ( وهذا يدل على شهره هجاج البطوليه ) فرد عليه : مهوب ذا اليوم وضربه بالسيف فأرداه قتيلاً ومواقفه كثيره منها عندما غارت القبيله على إحدى القبائل المجاوره ولحقهم جموع عظيمه فكــان له موقف بطولي وإستبسال شجاع حيث حمى تالي الجيش عقر الكثير من جيش وخيل القوم وقال يصف ذلك الموقف
لاد الخييلي عند تالـي الركايـب = لا زرفـل الجيـش اثقلنـا تاليـه
يوم الفشق عندهن جاله عطايـب = وكلن يدور ملجـى يلتجـي فيـه
ارواحنا من دون واجبنا جلايـب = يوم الردي شاحً براسـه ويغليـه
لاد الخييلي عيوا علـى الركايـب=وارواحنا نبيعها والموت نشريـه
العقيد \ مقحم بن مطلق ال حجاج , عقيد الخييلات قبل أماره ال جريس ,, وله العديد من القصص البطوليه لعل من أبرزها عندما غارت قبيله عتيبه بقياده ابن ربيعان على الخييلات , فكان هو عقيدهم في الوقعه ومواجهه القوم حتى أدبرو بها منهزمين , وقال فيها ابن ربيعان :
ياسابقي تستاهلين البريره = لاجا نهارن مثل يوم الخييلات
قومً ترد المنكسر للمغيره = وتحط بوجيه المناعير شارات
من فعلهم قامت تعبر امنيره = ليت الغزيه يايبه مابعد جات
- حليس هجاج العضادين , فارس لايُشق له غبار له العديد من المواقف والافعال البطوليه
- طليفيح بن هادي العضادين , و من مواقفه موقفه البطولي ضد طالب ابن شريم من شيوخ قبيله ال مره وعند مالتقى هو وطالب بن شريم الذي هرب من مواجهته بعد ان كاد ان يقتله قال فيه رجال من قبيله قحطان عندما أثناء على الخييلات بعد قصرته عندهم
ثم خص ابو هادي شغموم الا لادي =راعي جوادً نهار الكـون يتعبهـا
-مشعان بن مصيريع العضادين , أحد فرسان القبيله وله فعل في إحد المعارك عندمما غارت قبيله العجمان على ابل الدواسر وقيل فيه
تقافت الخيل يوم سمعت عزوه مشعان = وكل خلوجً عودت تـدور مفرودهـا
وكذلك فعله البطولي عندما غزى ابن شريم على ابل الخييلات
دواس بن مدوس بن جخدب الخماسين.
هادي بن فالح آل ابو ونا الخماسين - وعزوته راعي البرصا هادي -وهو صاحب المقوله الشهيرة (الموت ولا البلاسة ) وقصته أنه كان قد قام بعدت عزوات على قبيلة سبيع وكان وقعه مؤثر فيهم وهي مع بداية اكتمال حكم الملك عبدالعزيز وقد قام السبعان بارسال وفد لشكوي عليه عند الملك فقال الملك والله مافيكم خير رجل واحد لم تقدروا عليه فامر بالخفر اي القبض عليه ومصادرة حلاله فلما اتوبه عند عبدالعزيز اخذوا يعذبونه ويضربونه بشدة وقالو له ليس صحيحا بانك وحدك ياهادي اعترف على من كان معك فقال (الموت ولا البلاسة) على مسمع من الملك عبدالعزيز فاعجب في مقولته وامر باطلاق سراحة وهي مقوله تردد حتى يومنا هذا في مجالس آل سعود وعامة الناس
- عبدالله بن حمدان الخماسين ( راعي السودا) وقصصه شهيره , وله موضوع مستقل .
- فالح بن عقاب آل ونا الخماسين وعزوته راعي الحجبا وانا اخو ثنوا وقد كان له قصة مشهورة عندما غزا الدويش على ابل احد السفارين وقام بلحقه هو وفارس السفارين المشهور فالح بن حرقان وسميت فزعة الفالحين نسبة لاسمائهم وهو عندما استردو الابل قام باللحاق بالدويش الا ان احد اصدقاءه وهو صحن بن الجبعاء الدويش كان ياتي بين بن ونا وبين الدويش حتى لا ينازله وقال الدويش بعد ان عاد لاهله ( ياظفر الرجال ضفراه مايبا صحن يباني )
محمد بن معجب العضادين: بالاضافه الى شهرته بالكرم وكان مضرب مثل في ذلك فكان فارس شــجاع ومزبّن للجناه له قصائد عديده في كرمه وشجاعته من قصائده يبين فيها كرمه منها قوله :
تفرح بنا هجنً داميات الخفافـي =انقلط لها الترحاب والجانب الزين
لاعاد ولد الاش ماهـو يشافـي=لاكرم دور السنه حـط مديـن
يذل على مالـه يجيلـه خلافـي=حساب ربحه جعلـه الله للبيـن
وكذلك عندما كثرت لدى ابن سعود الشكاوي على ابن معجب كون محله كان مزبن للجناه والمطلوبين لدى ابن سعود فأمر بسريه تقبض عليه وتشحم نخله ( هذا عندما كان نازل بالقرب من الافلاج ) فلما علم بالخبر تجهز لها ومن معه فوقف دونها موقف بطــولي وإستبسال حتى عادت السريه مهزومه ومما قال فيها
يرسخ بنا غرسً يقطـع مـراره=كسبً لنا والا فلا اضحي ولا ابيع
من ذل دون الغرس تصلاه ناره= يعدا من الدسمه ويعطى الكراميع
- ساجي بن معجب العضادين , فارس شجاع له موقف ومشاركه في معركه الابرق ضد العجمان عندما غاروا على ابل القبيله وقال فيها
صاح صيـاحً والعـج ثايـر=نعم ياللى باللقـا حاضريـن
يوم جا عند الابـرق حشايـر=كـل ظفـرً بالملاقـا يبيـن
لا لحقنا عند تالـي العشايـر=مرخصين الروح والله المعين
يوم ابو ليل على الجيش غاير=غار واصبح عقب كونه حزين
دبرت خيلهم وراحت كسايـر=وردينا المركى مـع الاوليـن
مشبب بن راشد العضادين , له مواقف كثيره أحدها عندما غزت أحدى القبائل على الخييلات في غياب رجال القبيله فركب جواده ولحق بالقوم وفعل فعلاً بطولي وقامبإسترجاع الكثير من الابل اما بقيه الحلال فقد تم إسترجاعه بفزعه المصارير والغييثات وقيل فيه:
نعم بمشبب خيال العشايـر بالزحـام =راعي الطولات والطيب فعله من سنين
رد ذيدان الخييلات بضـربً اللحـام=فارسً منا يسوى من القـوم اربعيـن
سعود بن حمدان الخماسين - لقب بمكال حمامته أو خلاصته وهو من جندل الشيخ بن شريم المري عن ظهر فرسه ( العبيه) فكسبها وهي عزوة آل حمدان الكرام حتى وقتنا هذا .عزوته خيال العبية انا اخو دفنا .
عبيد بن مصلح ال طينان , ويلقبونه بأبا الروس لانه في أحد المعارك ضد قبيله الظفير على ماأعتقد جندل الكثير من فرسان القبيله الاخرى بالضرب على الرأس فأشتهر بضربته القاتله
عبدالله بن ثلاب ال طينان , ويُلقب بـ (ابو عبد) لانه شديد السمره كان فارسً ذائع الصيت في وقته .
عبدالله بن جارالله ال طينان ( راعي الهدلا) وله قصه تبين فروسيته وشجاعته مع ال العرجاء عندما كان جار عندهم فغار عليهم أحد القبايل فكان هو مع مقدمه الفرسان في إسترداد الابل من الغزاه
دخيل بن عبدالله ال طينان ,رجل شجـاع ضخم البنيه وفي وقعه مصلخ من فريس الخييلات المشهورين .
مدعث بن رشدان ال طينان ويلقب ب(الحايف ) كونه يحوف القبائل لوحده وهو رجل ضخم البنيه كانت له العديد من القصص البطوليه مع الفارس دخيل بن عبدالله وهو أحد فرسان الخييلات في معركه مصلّخ الشهيره .
ثليب بن عمران ال طينان -ر اعي العرفا - له موقف بطولي هو والفارس خزيّم ابن كميخ عندما قام بإسترداد أبل القبيله عندما غارت عليهم قبيله اسبيع ليلاً فلمّا أصبحوا ركب وهو الفارس خزيم لاحقين بالقوم وأستطاعوا فك أبلهم وغنموا ابل سبيع ( العرف ) فأصبحت عزوته خيال العرفا ثليب , وكذلك الفارس خزيم عُرف بعدها بـ راعي العرفا.
خزيم بن وافي بن كميخ ال طينان -راعي العرفا - وكلاهما يعتزون بالعرفا لنفس الموقف والفعل السابق المذكور أعلاه
فهيد ابن كهف , أحد أبرز فريس الخييلات المشهورين وله العديد من المأثر في معارك القبيله .
ماجد ابن مصلح ال طينان , من فرسان القبيله المشهورين المعروفه أفعاله وذكره لدى الجميع وله موقف بطولي هو وفهيد بن كهف .
حزام بن نادر بن مقحم ال حجاج , فارس مشهور بأفعاله وهو من أحد فريس الخييلات بوقعه مصّلخ الشهيره
- الفارس محمد بن علوش العضادين , أحد فريس القبيله المشهورين
سعود بن مصلح ال طينان ويلقب بـ ( راعي رقيط ) من إحدى مواقفه عندما غزت قبيله ال مره على ابل الدواسر فكان هو في مقدمه الفرسان في لحاق القوم وكان على حصان في رقبته رقاط ( بياض) فقال أحدهم : جوكم الدواسر على البقر وقال احد الشعراء فيها
يوم المري قال لحقوا على البقر=ماعاد حق الشوف شاف الهوايل
وقيان بن سعد بن مصلح ( اخو سعود ) من فرسان القبيله البارزين , وله موقف مشهود عندما اهداء الى ابن صباح - حاكم الكويت -حصان له وذلك ليشفع لرجالً من الخييلات مسجونين عند ابن صباح بسبب غارتهم على حلال لإحدى القبائل التي كانت بحدود الكويت .
ناصر بن علوش العضادين , له موقف بطولي في أحد مغازي القبيله حيث أستبسل بموقف نادر في مواجهه جيش بكامله وقال كلمته الشهير عندما طلب أحد من معه المجى والعوده قال ( مامعي الا راسي ومالي به ) أي اني بمثل هالمواقف لايكون للروح أي قيمه وقالها بقصد إثاره من معه لكي يعودوا لمواجهه القوم وقُتل في نفس المعركه بعد موقفه البطولي وبنهايه كنهايه الابطال الافذاذ وقيل فيها
الله من يومً جرى لابـن علـوش =يوم عكرز على وجهه ولاعاد قامي
يوم الركايب بين كالش ومكلـوش=لاد مخيـولً مايلحقهـم مـلامـي
حسين بن ظاهر العضادين , فارس له موقف في إحدى المعارك مع مطير
ناصر بن نضاد العضادين ( حامل البيرق في وقعه مصلّخ )
فالح بن مشبب بن حزام العضادين فارس شجاع له فعل بطولي في احد مغازي القبيله على عتيبه .
عبدالله ابن عجلان العضادين , مشهور بالشــجاعه والإقدام قال في موقعه مصّلخ التي كان هو أحد فرسانها
يوم بن( حزّام) ظهر من هدومه=كل مدغـوش جذبـه الصيـاح
نحمـد الله لابتـي فـي اللقـا=مثل ابو عبد وشـروى ابـداح
شوف عينـي ناصـر باللقـا=يوم بين البيرق نهار الصبـاح
ابن شبـلان أكلتـه الضرايـا=زقفه مطلـق برمحـه وطـاح
داهم بن نابي ال طينان : فارس شجــاع صاحب مواقف بطوليه ,واُشتهر بكلمه قائلها في إحدى معارك القبيله ( يابرد رصاصهم برداه ) قالها عندما حمي الوطيس فأصبح يردد هالكلمه ليُثير همم من معه ومن قصصه أنه أصيب بأحد معارك القبيله إصابه أظهرت أمعاءه فشدها بحزامه ,, وأخذ يقاتل بساحه المعركه ويعتزي لإيُثير هممهم وواصل قتاله حتى سقط صريعاً .
سعود بن بجران ال طينان , من فريس الخييلات المشهورين له فعلً بارز في إحدى معارك القبيله .
دبلان بن مذخر بن كميّخ ال طينان أيضاً من فريس الخييلات المعروفين .
محمد بن حزام الخماسين , فارس مشهور واشتهر بموقفه في وقعه مصلّخ
يوم ابن حزام يظهر من هدومه=وكل مدغوشً جذبـه الصيـاح
فهد بن سليم الخماسين - وعزوته خيال الشرفا فهد - وهو من كبار الخييلات في موقعة مصلخ وابلا بلاءا حسنا في تلك الموقعه المشهورة بوقعة الشيوخ.
هديبان بن علوش العضادين -وهو حامل الراية في كثير من الحروب
منصور بن سعود بن حمدان الخماسين وعزوته - خيال العبيه وانا اخو دفنا -وهو احد الفرسان الذين شاركو في الفتوحات السعودية لتوحيد المملكة تحت قيادة الملك سعود رحمه الله وآخرها فتح نجران .
سعد بن عريج آل حجاج ( الداهيه) وعزوته خيال الشرفا انا اخو هيا
محمد بن ردهان آل حجاج وعزوته خيال الشرفا وانا محمد وله مأثر كثيره ومن أبرز فرسان القبيله
ناصر بن ردهان ال حجاج , خيال شجاع له إحدى المواقف البطوليه بإحدى معارك القبيله عندما سقط أحد فرسان القبيله مقتولاً فقــام بحمله وإردافه معه على فرسه وهم بأرض المعركه
بداح ال حجاج ( جد ال طامي ) أحد فرسان القبيله المشاركين بوقعه الشيوخ قال فيه الشاعر بهذه الوقعه مفتخراُ به
احمـد الله لابتـي باللـقـا=مثل ابو عبد وشروى (بداح)
محمد فهاد ابن ثليب ال طينان ,,, أحد رجال الملك عبدالعزيز في دخوله للحساء سنه 1330 تقريباً وأبلاء فيها بلاً حسنا وكان له فعلً
بطولي في هذه المعركة .
عبدالله بن سعود ابن مصلح ال طينان ( راعي المذهبه ) له فعل بطولي بوقعه العيينه عندما كسب ( مذهبه) وهي بندق ابن جلوي وشارك في حرب نجران .
سعد بن عبلان الخماسين - وهو القائد في معركة الثأر لأبيه عبلان ضد الهواجر وهي جمع من الخييلات ومن معهم من حلفاهم وكانت عزاوي القوم في تلك الموقعة(( عبلان ياثاير))
سالم بن فهد بن سليم الخماسين /راعي الشرفا بن فهد - وقد ابلى بلاءا حسنا في حرب الاحساء وقتل فيها
منصور بن فراج بن جخدب الخماسين- الملقب بضبعان-راعي العشوا ابو جهير
أماره القبيله : أماره قبيله الخييلات هي عند أسره ( ال جريس ) الكرام من فخذ العضادين وأول من تولى مشيخه بهم هو الشيخ محمد بن جريس
وتسلسلها الى يومنا هذا كــ تالي :
- الشيخ محمد بن جريس
- الشيخ فلاح بن جريس
-الشيخ مدعث بن فلاح بن جريس
- الشيخ نايف بن مدعث ابن جريس
-الشيخ زيد بن مدعث ابن جريس
-الشيخ محمد بن زيد ابن جريس
شجــره القبيله
أولا: العضادين :
1- ال حسين وهم :
أ- حسن وهم: المصاريع
ب-ال غثيث وهم : ال سيف - ال شايع - ال راشد - حسين( ال حمود و ال فدعوس وال جريس )
وال جريس ( ال فلاح - وفيهم الاماره - وال سلطان ) وال فدعوس ( ال طواري - ال شامان)
2- ال حسن : ربيع ( ال دغش)
3 - ال حريميص وهم :
أ- ال حصين وهم : ال علوش - ال وسمي - ال نضاد - ال شداد - ال هديبان.
ب-ال حمدان وهم : ال مفلح - ال فراج - ال عجلان
ال معجب -ال مترك - ال ظاهر.
ثانياً : الخماسين :
1- ال بريك وهم : ال سليم - ال غنام - ال عبلان
2- ال صمعان وهم : ال سفر - ال فايز - ال بو ونا - ال حمدان
3- ال يحيى : ال دواس - ال جخدب - ال منصور - ال عبيد
ثالثاً : ال طينان وهم
1- ال عمران وهم : صالح ( ال وسام ) - ال مصلح - ثلاب ( ال جار الله ) - ال ثليب
2- ال وقيت : ال فيصل - ال داهم
3- ال كميخ وهم : منصور ( ال ابا الخيل - ال رشدان) - مبارك ( ال بجران - ال وافي )
رابعاً : ال حجاج
1- فليح : ( ال ردهان )
2- فايز : ال جخير - ال مطرف - ال طامي - ال عضيب - ال عبيدان - ال رفيع - ال سعود - ال راشد - ال عبيد
3-علي : مبارك وهم ( ال حويل - ال فالح - ال صقر- الهذالا - ال عفاس - ال هيف
و مطلق ( ال جاسر -ال مقحم ) وسعيد ( ال خلف )
و ردعان وهم ال بجاد
وبالختام كل جُهد معرض للخطاء والسهو فأن أصبت فمن الله وأن أخطئت فمن نفسي والشيطان , وأتمنى أني وفقت في هذا الموضوع في التعريف البسيط والصوره عن قبيله الخييلات بذكر ألقابها ونبذه عن تاريخها وأعلامها ونسبها ,وان يحوز على رضا القارئ , وصلى الله على نبينا محمد وعلى آله وصحبه أجمعين
وخالص التقدير والإحترام