من لا كسب علم المراجل وهو حي..الله يمسيك بالخير يابو راكان(هدية)

[ابو الوليد]

:
ضاق صدري وتذكرتك يابوراكان ولايهون من مر على هذه المشاركة
اخ وعزيز وغالي
:



الله من هم كوى في الحشا كي=كنه يابوراكان يغلي على صاج
خوتك تروي عاطش مالقى مي =حاشاك ماني لخوة اللاش محتاج
من لا كسب علم المراجل وهو حي=تالي حياته خيمة ما بها سراج
بعض القلوب الميته تزعج الحي=مفطورة على الخبث واصناف الازعاج
لا هو ولد خالد ولا هو ولد طي=يرقب تجيه المرجله لا بسه تاج
يكره شعاع النور ويعيش في الفي=مايحرقه قلبه ولا يجيه الاحراج
معشعش في قلبه الغش من شي=واذا هرج كن ابثمه سوط كرباج
وختامها مني سلام على خي=عداد نبع الما بروضات الافلاج

[ابوراكان بن بخيت]

ابشر والله بعزك وما تشكي الهم وانا حولك ويهبا اللي يضيق صدرك خذ ردها من قدح راسي ذالحين







قاف لفاني من صاحبي زي = لمع الفصوص اللي على سبكة التاج

يابو الوليد ارحب وقرب شوي = واشك الهم اللي بوسط الحشا لاج

تعال واترك عنك اهل الفتن والغي = وابشر بالسعد وبفلة احجاج

تراك عندي فوق كما جبل طي = والذيب ما يجلس في ديرة نعاج

الله لايجعل لك عند الردي شي = وانته مانت بللأنذال محتاج

الله جعل لك الارض اطوها طي = ولا تجلس بديرةٍ بها ازعاج

والضرب في الميت ماينفع الحي = ذولاك ناس ما يهمها الاحراج

اللاش لو تكويه ماهمه الكي = خماج الرجال قد سمو خماج

الله خلقنا نشرب قراح المي = خل الذي ضاري بشرب الهماج

[الأجدل]

ابو الوليد
صح لسانك
قصيده وافيه وجميله
ويستاهل ابو راكان والجزاله فالك وفاله
نص مميز بتميز وجودك يا ابو الوليد لا عدمنا ابداعك الراقي
تقديري

[ابو الوليد]

انا ادري انه لا ضاق صدري ونخيت

نخيت صليب راس
مثلك يابن بخيت

ماني قايل الا بيض الله وجهك

[ابو الوليد]

ابو الوليد
صح لسانك
قصيده وافيه وجميله
ويستاهل ابو راكان والجزاله فالك وفاله
نص مميز بتميز وجودك يا ابو الوليد لا عدمنا ابداعك الراقي
تقديري

ارحب ارحب يالاجدل مرورك شرف لا عدمتك

[الرضا]

وعليكم السلام ورحمة الله وبركاته
الأستاذ الشاعر
أبوالوليد
صح السانك والله يعلي شانك
بيض الله وجهك
موفق بإذن الله ... لك مني أجمل تحية .

[ابوراكان بن بخيت]

انا ادري انه لا ضاق صدري ونخيت

نخيت صليب راس
مثلك يابن بخيت

ماني قايل الا بيض الله وجهك



وجهك ابيض وابشر بنا في شعر ولا غيره

[عبدالله الأسمري]

منظومه جميله ابو الوليد

ننتظر الجديد واتحافنا بقصائدك الشعريه

اخوك التمساح يسلم عليك ويقول لك

بيض الله وجهك ياالجزل

[ابو الوليد]

منظومه جميله ابو الوليد

ننتظر الجديد واتحافنا بقصائدك الشعريه

اخوك التمساح يسلم عليك ويقول لك

بيض الله وجهك ياالجزل

سلامك وصل وغلاك واصل يالتمساح